Kryeministri Edi Rama ka folur për mediat e huaja pak para nisjes së samitit të BE në Bruksel. Edhe një herë Rama ritheksoi se Open Balkan është zgjidhja e duhur ndërsa shtoi se do e “ndërtojmë Europen në shtëpinë tonë”.
Rama: Nuk do jemi kurrë viktima, se në këtë rrugë ka një Bullgari atje e një këtu, ne nuk ndryshojmë korsinë tonë. Ajo që duhet të bëjmë është të ndërtojmë Europën në shtëpinë tonë. Open Balkan është zgjidhja e duhur në këtë situatë ku integrimi do të vijojë pasi nuk ka alternativë tjetër.
Open Balkan është i hapur për të gjithë. Ne jemi në vendet e para se të gjithë duhet të ngasin makinat e tyre në këtë çështje. Shqipëria po bën rolin e vet se këtë na kërkojnë fëmijët tanë.