Në qytetin e Kukësit është zhvilluar një takim i zgjeruar me anëtarë të seksioneve 1-2 të PD-së së qytetit të Kukësit për të prezantuar kandidatin e Primareve Dr. Admir Sinamati.
Në mbledhje ka qenë deputetja e PD-së, Albana Vokshi, sekretari i Përgjithshëm i PD-së, Flamur Noka, i deleguari politik për qarkun e Kukësit, Isuf Çelaj dhe shefi i shtabit zgjedhor në Kukës, Safet Sula.
Ata kanë dhënë mbështetjen e tyre të gjithanshme për kandidatin e Partisë Demokratike në Kukës, Doktor Admir Sinamati. ‘Votoni për të ardhmen tuaj, për të ardhmen e fëmijëve tuaj’, ishte mesazhi i të gjithë të pranishmëve në këtë takim.
