AktualitetFlashKryesorePolitikëTe FunditTe Gjitha

Ndryshime në qeveri, kush janë dy zëvendësministret e reja të Financave dhe Ekonomisë (Postet që kanë mbajtur më herët)

Qeveria e drejtuar nga Edi Rama, përmes VKM-ve ka emëruar dy zëvendësministret e reja të Financave dhe të Ekonomisë, që do të jenë Vasilika Vjero dhe Adela Xhemali.

Vjero ka mbajtur më parë disa posta në qeverinë Rama, më i larti ai në krye të ARRSH-së, ku qendroi për vetëm dy javë. Asokohe ajo dha dorëheqjen për shkak se sipas saj, kishte një problem shëndetësor me vajzën.

Vjero po ashtu ka mbajtur për disa kohë dhe postin e drejtoreshës së Tatimeve.

Ndërkohë që dhe Xhemali nuk është një emër i ri, pasi ka mbajtur më parë postin e drejtoreshës së Fondit të Detyrueshëm të Kujdesit Shëndetësor.

V E N D I M PËR EMËRIM NË DETYRË

Në mbështetje të nenit 100 të Kushtetutës dhe të pikës 2, të nenit 6, të ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave

V E N D O S I:

Znj. Adela Xhemali emërohet zëvendësministër i Financave dhe Ekonomisë.

Ky vendim hyn në fuqi menjëherë.

K R Y E M I N I S T R I

EDI RAMA

Këto dy emërime të reja vijnë pas dorëheqjes dhe shkarkimit të dy zv.ministrave të mëparshëm Erjon Luçi dhe Elton Haxhi.

Emri i Haxhit u lakua së tepërmi në media sidomos pas përplasjeve mes kompanisë amerikane International Cruise Duty Free dhe asaj shqiptare ADFD me pronare Elona Caushin për menaxhimin e dyqaneve duty free në aeroportin e Rinasit.

Një leje rinovimi brenda 24 orëve në gusht të vitit të shkuar nga zv.ministri Haxhi për kompaninën në pronësi të bashkëshortes së ish-gjyqtarit Gjin Gjoni, ndërsa tenderin e kishte fituar kompania amerikane derivoi në një sagë gjyqesh mes ADFD-së dhe MFE-së. Shkak u bë anulimi 1 muaj më pas i lejes së dhënë nga zv. ministri Haxhi.

Për këtë çështje ka reaguar disa herë dhe ambasada amerikane e cila ka ndjekur gjyqet me përfaqësinë e saj duke shprehur zhgënjim për vendimet e gjyqësorit shqiptar.

Vasilika Vjero

(E.K/Faxweb.al)

Fjalët Kyce

A do i përgjigjeni thirrjes së Presidentit Meta për të dalë në shesh në 2 mars në mbrojtje të demokracisë dhe Kushtetutës së vendit?

Për t'ju bashkuar grupit të Faxweb.al në Facebook, klikoni Join Group
loading...

Artikuj të Ngjashëm

Leave a Reply

Your email address will not be published. Required fields are marked *