Ka nisur edhe sot protesta e banorëve të Astirit, të cilët tashmë prej muajsh po protestojnë në mbrojtje të banesave të tyre, pasi rrezikojnë që të shemben në kuadër të ndërtimit të projektit të Unazës së Re.
Ndërkohë banorët janë shprehur se pak para protestës është ndaluar një nga banorët e Astirit, Artur Mujo.
Lidhur me këtë arrestim, kanë reaguar banorët e Unazës, duke i lënë edhe një ultimatum ministrit të brendshëm Sandër Lleshajt.
“Në rast se nuk e lironi Arturin brenda orës 18.00, protesta jonë do të zhvendoset para komisariatit nr. 6, Mjaft me arrestime politike, lironi Artur Mujon, lironi Danjelin.”-”, paralajmërojnë banorët.
Në mbështetjë te banorëve ishin dhe deputetë të opozitës.
(M.Q/Faxweb.al)