AktualitetFlashKosovaPolitikëTe FunditTe Gjitha

Mustafa i përgjigjet ‘flakë më flakë’ Ramës: Nuk ta uroj ta provosh Jugosllavinë

Kryetari i LDK-së Isa Mustafa u është përgjigjur deklaratave të të kryeministrit Edi Rama ditën e sotme në Samitin e Ohrit, për krijimin e shengetit ballkanik. Mustafa thotë se s’dëshiron ta shohë më askënd duke përjetuar edhe një herë Jugosllavinë.

“Ne që e kemi përjetuar Jugosllavinë nuk dëshirojmë ta përjetojmë edhe njëherë. Edhe atyre që nuk e kanë përjetuar, nuk ua dëshirojmë”, – ka thënë Mustafa.

“I kam shprehur qendrimet e mia dhe te LDK-së në postimin tim lidhur Mini-sgengenin dhe Mini-jugosllavët”, – ka shtuar ai.

Kryetari i LDK-së është shprehur edhe më herët se nuk e përkrah një mini-shengen, duke cilësuar si mini jugosllavi, ashtu siç nuk e ka përkrahur ndryshimin e kufijve ndërmjet me Serbinë.

Ndërkohë ditën e sotme kryeministri shqiptar Edi Rama deklaroi se është i befasuar me deklaratën e tij.

“Kam respekt për Isa Mustafën. Kemi punuar bashkë. Ruaj kujtim të mirë me të dhe jam i befasuar nga deklarata e tij. Por siç ka ai opionin e tij të ndryshëm nga unë, kam unë opinion të ndryshëm ndaj tij. Të flasësh për një proces që rikrijon Jugosllavinë, të ma thuash mua që as kam punuar në administratën e Jugosllavisë dhe as kam lidhje me Jugosllavinë, veç kujtimit të keq të keqtrajtimit të shqiptarëve, më duket e tepërt dhe jo fort elegante.”- tha Rama.

(M.Q/Faxweb.al)

Fjalët Kyce

Artikuj të Ngjashëm

Leave a Reply

Your email address will not be published. Required fields are marked *