Shkarkoni aplikacionin e Fax Web

 


AktualitetBotaFlashTe FunditTe Gjitha

“Mund të sjellë probleme shumë të rënda, qeveria po merr shumë kontroll”, miratohet në Zvicër Referendumi për heqjen e masave shtrënguese

Zvicra njoftoi dje se ka miratuar referendumin për të vendosur nëse t’i heqë qeverisë të drejtën e vendosjes së masave kufizuese të koronavirusit. Aktivistët dorëzuan peticionin e suksesshëm me 86,000 firma, shumë më tepër nga 50,000 të nevojshme për të aktivizuar votën kombëtare sipas sistemit të demokracisë direkte që aplikohet në vend.

“Ne besojmë se qeveria po shfrytëzon pandeminë për të marrë më shumë kontroll, e për të dhënë më pak demokraci”, tha Christoph Pfluger, aktivisti konstitucional që drejtoi fushatën e peticionit.

“Problemet që lindin nga kjo qasje mund të jenë shumë të rënda. Ne besojmë se edhe menaxhimi i krizave nuk mund të bëhet pa vullnetin e sovranit, popullit. Ju nuk mund të qeverisni pa popullin”, tha Pfluger.

Ligji i Covid-19 i miratuar në shtator ka zemëruar shumë liberalë zvicerjanë, pasi i jep qeverisë të drejtë të vendosë masa të pakufizuara për ndalimin e përhapjes së virusit.

Por kjo mund të anulohet me referendumin e planifikuar për në qershor, duke e bërë Zvicrën të vetmin vend në botë që aplikon votën direkte ndaj masave kufizuese me të cilat po përballet e gjithë bota.

Sondazhet në Zvicër tregojnë se shumica e njerëzve besojnë se masat kufizuese ndaj bareve e restoranteve janë tepër të ashpra.

Dje në Zvicër u aktivizua dhe mbyllje e dyqaneve jo-thelbësore.

Pfluger tha se ishin të suprizuar nga masa e madhe e mbështetjes, ndërsa kritikët thanë se deri në kohën e realizimit të refendumit pandemia do të jetë zbutur dhe masat do të jenë hequr.

Për kë do të votoni në zgjedhjet e 25 prillit?

Për t'ju bashkuar grupit të Faxweb.al në Facebook, klikoni Join Group
loading...

Artikuj të Ngjashëm

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.