Presidenti i Republikës Ilir Meta ka zhvilluar një vizitë zyrtare në Baku, Azerbajxhan. Ai u prit në një takim të vecantë nga homologu i tij, presidenti i Republikës së Azerbajxhanit Ilham Aliyev.
Gjatë fjalës së tij Meta ka vlerësuar ecurinë e mirë të marrëdhënieve gjatë viteve të fundit mes dy vendeve.
Në mënyrë të vecantë Meta shprehu mirënjohjen për investimet dhe mbështetjen e Alijev për projektet e gazsjellësve TAP dhe IAP duke parë me interes mundësi të reja bashkëpunimi për gazifikimin e Shqipërisë.
Të dy presidentët në retorikën e tyre shpalosën dëshirën për bashkëpunim për rritjen e shkëmbimeve tregtare mes dy vendeve dhe nxitjen e takimeve mes dhomave përkatse të tregtisë.
Presidenti Meta kërkoi gjithashtu që të shihej mundësia e heqjes së vizave nga Azerbajxhani për qytetarët shqiptarë, duke nënvizuar se kjo do të lehtësonte lëvizjet dhe kontaktet e drejtpërdrejta mes qytetarëve të të dy vendeve.
