Shkarkoni aplikacionin e Fax Web

 


AktualitetFlashKryesorePolitikëTe FunditTe Gjitha

Rekord viktimash nga Covid në 24 orët e fundit, Meta i nis letër me pyetje urgjente Manastirliut: Për dijeni dhe kryeministrit ende në detyrë

Presidenti Meta i ka nisur një letër ministres së Shëndetësisë Ogerta Manastirliu, lidhur me situatën e përkeqësuar të Covid 19 në vendin tonë, duke i shtruar një sërë pyetjes për masat që janë ndërmarrë nga ana e saj dhe e qeverisë.

Vetëm gjatë ditës së djeshme 7 persona humbën jetën si pasojë e Covid, dhe për këtë shkak Meta paralajmëron se situata në ditët në vijim mund të shkojë drejt përkeqësimit. Presidenti shton se letrën që i ka nisur Manastirliut, e ka vendosur dhe në dijeni të kryeministrit ”ende në detyrë” Edi Rama dhe kryetarit të Kuvendit Gramoz Ruçi.

Postimi i Metës:

Nisur nga përkeqësimi i dukshëm i situatës së pandemisë COVID-19, me shtim të numrin të personave të infektuar, e fatkeqësisht me rritje edhe të numrit të qytetarëve të cilën kanë humbur jetën, shtrohet si domosdoshmëri një rivlerësim tërësor i situatës dhe masave të marra në raport me të, duke konsideruar edhe afrimin e stinës së ftohtë, si një tjetër faktor rëndues.

Me përshkallëzimin e krizës së rëndë pòlitike e institucionale, veçanërisht pas shkeljes brutale e të njëanshme të Marrëveshjes konsensuale të 5 Qershorit, situata e pandemisë pritet të përkeqësohet drejt një katastrofe, që duhet parandaluar në kohë.

Në këto kushte, po bëj publike letrën zyrtare që i kam dërguar ministres së Shëndetësisë, për dijeni Kryeministrit ende në detyrë dhe Kryetarit të Kuvendit.

Në letrën e tij, Meta e pyet Manastirliun nëse ne kemi mundësi për testim, gjurmim dhe trajtimin e të gjitha rasteve me Covid, a ka një parashikim se kur dhe sa mund të rritet numri i testimeve. A kemi stafe mjekësore të mjaftueshme për gjurmimin e kontakteve të personave të prekur me Covid, a është vendosur në efiçencë mjeku i familjes, çfarë po ndodh me rimbursimin e personave që trajtohen në shtëpi.

Presidenti po ashtu e pyet ministren lidhur me kapacitetet spitalore dhe reanimatore, koordinimin mes publikut dhe privatit, për testime, vaksinën e gripit, dhe përqindjen e popullsisë me risk të lartë, si dhe me nivelin e financimeve që i kanë dedikuar përballimit të pasojave të pandemisë.

LETRA E PLOTË E PRESIDENTIT:

Referuar informacioneve zyrtare, situata e pandemisë COVID-19 është rënduar dukshëm javët e fundit në vendin tonë.

Sa më sipër, mendoj se duhet bërë një rivlerësim tërësor i situatës dhe masave të marra në raport me të, duke konsideruar edhe afrimin e stinës së ftohtë, si një tjetër faktor rëndues.

Elementët themelorë, të përcaktuara qartë nga OBSH, si testimi, gjurmimi dhe trajtimi, kërkojnë natyrshëm një intensifikim të jashtëzakonshëm të masave për realizimin e plotë të tyre.

Duke pasur parasysh që Shqipëria ka numrin më të ulët të testimeve në Evropë, çfarë masash janë marrë për të shtuar këtë numër? A ka ndonjë parashikim se kur dhe sa do të rritet numri i testimeve në ditët në vijim?

A kemi staf mjekësor dhe mbështetës mjaftueshëm për të siguruar gjurmimin e kontakteve, veçanërisht me rritjen e numrit të të infektuarve me Covid-19? Çfarë përpjekjesh janë bërë për vënien në efiçencë të plotë të mjekut të familjes, si në nivel testimi ashtu edhe diagnostikimi dhe mjekimi të pacientëve që mjekohen ambulatorisht?

Çfarë masash janë marrë për rimbursimin e shpenzimeve për mjekim apo kontroll të pacientëve, që mjekohen ambulatorisht, duke pasur parasysh që këto shpenzime kapin vlera shumë të larta për qytetarët shqiptarë?

Për sa i takon trajtimit, vërehet qartë se të dy strukturat e përcaktuara, spitalet COVID1 dhe COVID2 janë tepër të ngarkuara. Sa kapacitete spitalore dhe reanimatore janë vendosur në dispozicion të të sëmurëve Covid dhe sa në dispozicion të të sëmurëve të tjerë me sëmundje kronike ose jo, të cilët kanë vështirësi në marrjen e ndihmës mjekësore?

A ka një plan koordinimi midis sistemit shëndetësor publik e atij privat për testimin, gjurmimin dhe kurimin sa më të mirë të pacientëve të prekur nga Covid-19? Si është planifikuar vaksinimi stinor dhe sa është përqindja e popullsisë me risk të lartë, e vaksinuar deri në këto momente?

Çfarë masash janë marrë për sigurimin e vaksinës dhe për vaksinimin e popullsisë kundër Covid-19 dhe si mendohet të kryhen fazat e këtij vaksinimi menjëherë mbas daljes së vaksinës?

A janë planifikuar në buxhetin e shtetit fonde të mjaftueshme për përballimin e pandemisë Covid-19, në rritje dhe pasojat e saj në shëndetin e popullsisë?

Sa financime janë kryer deri tani, sa janë parashikuar të kryen në javët dhe muajt e ardhshëm dhe cilat janë instrumentet financiare që do të përdoren për të përballuar situatën shëndetësore që po përkeqësohet dita ditës?

Duke Ju falënderuar për bashkëpunimin, PRESIDENTI I REPUBLIKËS ILIR META

(E.K/Faxweb.al)

Për t'ju bashkuar grupit të Faxweb.al në Facebook, klikoni Join Group
loading...

Artikuj të Ngjashëm

Leave a Reply

Your email address will not be published. Required fields are marked *