Trupi i ish-kryeministrit Bashkim Fino është shoqëruar për në banesën e fundit përmes ndreimeve të një ceremoniali shtetëror.
Siç shihet dhe nga pamjet arkivoli i të ndjerit të cilit i paraprijnë një sërë buqetash me lule ka lënë Pallatin e Kongreseve dhe është futur drejt mjetit që do ta shoqërojë atë për në varreza.
Kujtojmë se Bashkim Fino u nda nga jeta mëngjesin e kësaj të hëne pas një lufte prej një muaji me Covid-19. Por koronavirusi nuk i ishte e vetmja sëmundje nga e cila Fino vuante, pasi kishte kohë që kurohej nga leukemia.
Ish kryeministri socialist ndodhej i shtruar në spital ku po kurohej nga Covid-19. Ndërsa lajmi për ndarjen nga jeta e politikanit të njohur u bë me dije këtë mëngjes.
Bashkim Fino, ishte një politikan i njohur në Shqipëri, në vitin 1997 e në vazhdim ai ishte anëtar i Kryesis së Partisë Socialiste. Kulmi i karrierës së tij do të shënohej në vitin 1997, ku do të zgjidhej Kryeministër i vendit në qeverinë e Pajtimit Kombëtar, post që do ta mbante nga muaji mars deri në korrik. Z. Fino ka mbajtur po ashtu disa poste ministrore.
Nga vitit 1997 deri në 1998 ushtroi detyrën e Ministrit të Pushtetit Lokal, njëkohësisht dhe Zv/kryeministër. Në 1999 deri në vitin 2001 do të ishte ministër i pushtetit lokal. Gjatë viteve 2001-2002 ka qenë Ministër i Punëve Publike dhe Turizmit. Ndërsa në periudhën 2004, Ministër i Rregullimit të Territorit dhe Turizmit.