Vetëm pak orë më parë, televizioni “Top Channel” raportoi se ka siguruar një dokument i cili vërteton se asnjë zyrtar i huaj nuk është i ftuar në ceremoninë e betimit të presidentit të SHBA, Donald Trump.
Sipas dokumentit në fjalë, vetëm ambasadorët do të marrin pjesë në këtë ceremoni.
Ndërsa në “Mëngjesin Inaugurues të Presidentit”, pjesëmarrja është me ftesa të cilat kushtojnë nga 500 dollarë.
Deri më tani, zyrtarët shqiptarë të cilët kanë deklaruar se kanë marrë ftesë për të marrë pjesë në inaugurimin e Trump janë: kryetari i PD-së, Lulzim Basha; kreu i Kuvendit, Ilir Meta; kreu i PR-së, Fatmir Mediu; Deputetët socialistë Ervin Bushati dhe Blendi Klosi.
Por, Kryetari i Partisë Republikane Fatmir Mediu shprehet për një të përditshme shqiptare se nuk ka paguar asnjë qindarkë për të siguruar ftesën.
“Unë nuk kam paguar asnjë qindarkë për të marrë pjesë në ceremoninë e Presidentit Trump. Ftesa mua dhe kryetarit të PD-së, Lulzim Basha na ka ardhur nga Kongresi”, tha Mediu. (D.D/Shuplaka)