Kryeministri Rama ka mbledhur qeverinë mëgjesin e sotëm ku njoftoi se operacionet e kërkim shpëtimit kanë përfunduar, duke e çuar në 50 numrin e viktimave.
Rama: Numri zyrtar i viktimave ka arritur në 50, operacioni i kërkim shpëtimit ka përfunduar. Forcat tona meritojnë vlerësimin më të lartë, duhet të jemi krenarë për trupat tanë. 38 njerëz janë shpëtuar vetëm nga trupat tona. Ka qenë pozitive, komunikimi me forcat franceze dhe italiane, dhe të gjithë ekipet e tjera që erdhën për të dhënë ndihmën e tyre.
Aktualisht në spitale ndodhen 41 persona, që janë lënduar si pasojë e tërmetit të së martës. 2472 banorë janë akomoduar nëpër hotele. Tashmë kemi kërkuar ekspertizë të huaj për gjendjen e banesave, ka mbërritur që mbrëmë grupi grek, francez dhe italian ndodhen në terren. Ekipi hungarez, bullgar, letonez do të jenë të pranishëm sot.
Ndërkohë që në këtë mbledhje Rama foli dhe për abuzuesit, që sipas tij kërkojnë rindërtimin e shtëpive, vetëm se kanë ndonjë krisje.
“Jo çdo krisje e murit e bën banesët të pabanueshme. Duhet të dimë që programet e rindëritmit janë programe vetëm për banorët që banesat i kanë të shkatërruara ose janë shpallur të pabanueshme nga ekspertët. Disa ekipe specialistësh vijnë sot nga jashtë, siç është ekipi bullgar të cilët do merren me analizën e banesave”, vijoi kryeministri.
(E.K/Faxweb.al)
Discussion about this post