Shkarkoni aplikacionin e Fax Web

 


AktualitetFlashKryesorePolitikëTe FunditTe Gjitha

Mbledhja e jashtëzakonshme e qeverisë, Rama: Mbyllen shkollat me dy javë, pezullohen fluturimet drejt ”zonave të kuqe”

Ka nisur mbledhja e jashtëzakonshme e qeverisë, pas konfirmimit të dy rasteve të para me koronavirus në Shqipëri, ku si masë paraprake u vendos dhe mbyllja me dy javë e shkollave, dhe pezullimi deri në 3 Prill i fluturimeve drejt zonave të kuqe, përfshirë dhe veriun e Italisë.

Në fjalën e tij kreu i qeverisë Edi Rama tha se të gjithë qytetarët duhet të shmangin panikun në këtë rast dhe të ndjekin vetëm burimet zyrtare të informimit, në mënyrë që të shmangin çdo lajm të rremë dhe përhapje të mëtejshme të panikut.

“Këshilla themelore e OBSH-së dhe baza e të gjitha praktikave të ndjekura nga shtetet e tjera është: ruajtja e qetësisë, marrja e masave hap pas hapi dhe referimi sa më strikt në protokollin zyrtar të organizatës botërore të shëndetësisë, si edhe në burimet zyrtare të informimit shëndetësor

Sistemi ynë shëndetësor dhe të gjitha strukturat e përfshiira në planin e masave janë në gatishmëri për të përballur situatën hap pas hapi”, u shpreh Rama, ndërkohë që dha detaje dhe lidhur me dy rastet me koronavirus.

Sipas kreut të qeverisë ka qenë djali që kishte mbërritur nga Firence ai që kishte infektuar të atin e tij në Shqipëri.

“Receta më e gabuar që mund të merret në këtë rast, është ajo e të vepruarit në panik. Në të gjitha ato vende që ka prevaluar qetësia dhe vetëpërmbajtja ka pasur një menaxhim më të mirë të situatës. OBSH kundërshton me forcë mbylljen e kufijve, e them këtë se kjo është një nga akuzat e burimeve jo kompetente, që duheshin mbyllur kufijtë.

Mbyllja e kufijve është një masë shumë drastike e përdorur pothuajse fare, dhe lidhet me raste shumë specifike, që Shqipëria sot nuk e ka. Sot me konfirmimin e rastit të parë, futemi në një skenar të ri, plani i masave kalon në tre drejtimi, së pari është kufizimi, shtyrja në kohë e përhapjes së virusit, dhe vlerësimi i pasojave që sjell infektimi me COVID-19.

Për të gjitha masat e marra jemi në konsultim me OBSH-në, dhe si në çdo situatë ku shteti përballet me një gjendje jo të zakonshme, thelbësore është vetëpërmbajtja”, u shpreh Rama.

Rama tha se janë marrë dhe masat financiare për të mbështetur ekipin mjekësor në këtë fazë të re të përballjes me koronavirusin.

“Ne kemi vendosur një fond financiar për këtë situatë, për plotësimin e disa nevojave të kësaj faze për mbështetjen e sistemit tonë shëndetësor. Kemi gjetur edhe mirëkuptimin maksimal të personelit mjekësor, dhe ajo që është vertetë për t’u nënvizuar është se e gjithë struktura e personelit shëndetësor, është e mirëorganizuar dhe mirëinformuar”, tha më tej Rama.

“Nga sot pezullohen fluturimet direkte në drejtim të Italisë deri në datën 3 Prill, mbuyllja e shkollave për një periudhë dy javore”, tha Rama.

Lidhur me ambientet e karantinimit, Rama tha se ato kanë të gjitha kapacitetet e nevojshme, për të përballuar situatën. Kreu i qeverisë shtoi një apel për familjarët e pacientëve në QSUT që të shmangin vizitat në spitale.

“Dhomat e izolimit në QSUT janë funksionale, dhe po punohet për të pasur gjithë stokun e nevojshëm të materialeve. Do ju lutesha shumë atyre që kanë të afërm në QSUT që të shmangin vizitat, dhe të lehtësojnë punën tonë të përbashkët”, tha Rama.

Rama apeloi të gjithë qytetarët që në rast se kanë pasur kontakte me zonat e prekura, të jenë të ndërgjegjshëm dhe të vetëkarantinohen, si dhe të telefonojnë në numrin e urgjencës kombëtare për të kërkuar ndihmën dhe këshillat e duhura.

Kryeministri shtoi më tej se duhet një angazhim ku secili të bëjë detyrën e vetë, me qeverinë që padyshim ka peshën më kryesore të udhëheqjes së procesit.

(E.K/Faxweb.al)

Fjalët Kyce

Partitë politike firmosën Marrëveshjen për Reformën Zgjedhore. A mendoni se Presidenti Meta duhet të dekretojë një datë zgjedhjesh në tetor të këtij viti?

Për t'ju bashkuar grupit të Faxweb.al në Facebook, klikoni Join Group
loading...

Artikuj të Ngjashëm

Leave a Reply

Your email address will not be published. Required fields are marked *