Banorët e Pezë Helmësit kanë denoncuar në redaksinë e Faxweb faktin se lumi i Erzenit është helmuar nga mbetjet e shkarkuara nga landfilli i Sharrës.
Që prej mesditës së sotme një numër i konsiderueshëm peshqsh janë parë të ngordhur në anë të lumit, ndërsa ka ndryshuar dhe ngjyra e ujit.
Ata thonë se nga ky helmim mund të preket edhe bimësia rreth lumit, si dhe bagëtitë e tyre.
Kujtojmë se problemi me ndotjen nga landfilli është ngritur dhe më herët nga ana e banorëve, po deri më tani nuk është marrë asnjë masë.
Tirana prodhon zyrtarisht 700 tonë mbeturina në ditë. Pjesa më e madhe e këtyre mbetjeve trajtohen në Landfillin e Sharrës, në dalje të Kombinati, ku çdo ditë dhjetëra kamionë me plehra shkarkohen në këtë vend-trajtim të mbetjeve.
Aty aktualisht po ndërtohet edhe inceneratori me një vlerë rreth 128 milionë euro. Por edhe pse është një ndërmarrje e madhe, Landfilli i Sharrës ende nuk ka zgjedhur problemin e derdhjes së ujërave të ndotur. Ujërat që dalin nga trajtimi i plehrave rrjedhin në sipërfaqe të tokës dhe përfundojnë në lumin Erzen.
(E.K/FAXWEB.AL)
Discussion about this post