AktualitetFlashPolitikëTe FunditTe Gjitha

Marrëveshja për konkluzionet e Reformës Zgjedhore/ Mungon firma e Rudina Hajdarit, deputetja: Ja pse nuk firmosa

Rudina Hajdari ka reaguar sërish në lidhje me takimin e sotëm të përfaqësuesve të partive politike në tryezën e diskutimit për Reformën Zgjedhore, ndërsa ka shprehur dakortësinë e saj në parim për dokumentin që u firmos nga Damian Gjiknuri, Petrit Vasili dhe Oerd Bylykbashi.

Por edhe pse ishte pjesë e tryezës, firma e Hajdarit nuk figuron në projekt-draftin paraprak të rënë dakort nga palët për nisjen e procesit të Reformës, gjë për të cilin ka dhënë edhe sqarimin e saj për Fax News.

“Parimisht jam dakord me përmbajtjen e dokumentit në fjalë, që u diskutua sot në mbledhjen e zhvilluar. Kam kërkuar që të ketë një qartësi më të madhe ‘sa i përket angazhimit që ky Këshill do të ketë në lidhje me diskutimin për ndryshimin e sistemit zgjedhor, sic dhe e përmban objekti i Komisionit për Reformën Zgjedhore. Gjithashtu, duke qenë se u njoha SOT me përmbajtjen e këtij dokumenti, më duhet të marr pak kohë të konsultohem dhe me kolegët e mi në Parlament në lidhje me dokumentin në fjalë. Si përfundim, ajo c’ka është më e rëndësishme është fakti që takimi i zhvilluar bëhet në kuadër të dialogut për të garantuar një konsensus të gjerë dhe sa më transparent për procesin e Reformës Zgjedhore”, ka thënë Hajdari për gazetaren e Fax News, Eksiola Shehu.

(F.GJ/FAXWEB.AL)

Fjalët Kyce

Një person u rrëmbye në Kamzë në mesditë, në sytë e shumë dëshmitarëve. Sot, pas 11 ditësh policia raporton se ai ka vdekur ditën e pengmarrjes, por nuk po i gjejnë trupin. Çfarë mendoni?

Për t'ju bashkuar grupit të Faxweb.al në Facebook, klikoni Join Group

Artikuj të Ngjashëm

Leave a Reply

Your email address will not be published. Required fields are marked *