Shkarkoni aplikacionin e Fax Web

 


AktualitetFlashPolitikëTe FunditTe Gjitha

“Rama ka fshehur numrin e viktimave të Covid-19 në Shqipëri”, Basha publikon videon dhe akuzon sërish qeverinë: Kemi detyrën të shpërndajmë të vërtetën në emër të jetëve të humbura!

Kryetari Partisë Demokratike Lulzim Bashës, ka publikuar një video ku ka përsëritur edhe një herë se Edi Rama po gënjen dhe se po fsheh numrin e viktimave të Covid-19.

Basha shkruan se ato kanë për detyrë të shpërndajnë të vërtetën në emër të jetëve të humbura.

“Edi Rama po gënjen dhe po fsheh numrin e viktimave të COVID-19 në Shqipëri. Ne kemi detyrën të shpërndajmë të vërtetën në emër të jetëve të humbura.”- shkruan Basha.

Kryetari i opozitës ka publikuar dokumente tronditëse ku hedh akuza se autoritetet shtetërore kanë fshehur numrin real të viktimave nga COVID-19. Fakti tronditës se janë fshehur 601 vdekje deri tani në të gjithë vendin është bërë publik nga kryetari i opozitës gjatë intervistës në emisionin Opinion.

Basha publikoi të dhënat zyrtare dhe ato reale ku rezulton se që nga marsi e deri në muajin Tetor janë 414 raste fatale që janë mbajtur të fshehura. Sipas të dhënave të publikuara nga Basha, autoritet kanë publikuar gjithsej për periudhën Mars-Tetor 2020, vetëm 509 raste fatale, ndërsa realisht janë 923 viktima nga COVID-19.

“Kryeministri akoma në detyrë ka bërë politikë me vdekjen duke fshehur shifrat reale të vdekjes. Një dokument tregon vdekjet e raportuara dhe të vërtetuara në morg nga Covidi, informacion i ardhur drejtpërdrejt në institucionet shëndetësore. Informacion i mbërritur tek ne. Ka ardhur një denoncim, i cili është verifikuar sot dhe keni shifrën e vdekjeve të raportuara zyrtarisht deri tani. Janë vetëm e atyre që kanë vdekur në spitale jo në shtëpi”, tha Basha.

Situata edhe më e rëndë është gjatë muajit nëntor që ende nuk është mbyllur. Në 17 ditët e para të muajit janë raportuar 128 viktima, ndërsa shifrat reale tregojnë se numri i vdekjeve gjatë këtyre ditëve është më shumë se dyfish, plot 315 vdekje.

Data 9 nëntor rezulton si më tragjike sa i përket fataliteteve ku ministria e shëndetësisë ka raportuar numrin më të lartë të vdekjeve, 11, ndërsa shifrat reale sipas të dhënave të publikuar nga Basha, janë 26 viktima nga COVID-19.

Për t'ju bashkuar grupit të Faxweb.al në Facebook, klikoni Join Group
loading...

Artikuj të Ngjashëm

Leave a Reply

Your email address will not be published. Required fields are marked *