Luçiano Boçi ka ndarë një postim në të cilin shihen dhjetra qytetarë të cilët marrin ndihma nga një komunitet fetar. Ndihmat përfshijnë produkte nga shporta.
Kandidati e lidh këtë me zgjedhjet e 14 majit, ku thotë që Bashkia Elbasan ka hartuar lista për t’u dhënë ndihma qytetarëve në nevojë dhe në këmbim të votojnë për PS-në.
Këtë gjë nuk e ka bërë drejtëpërdrejt bashkia po është bërë nëpërmjet një komuniteti fetar. Boçi u bën thirrje autoriteteve të veprojnë.
Luçiano Boçi: “Me dhimbje dhe neveri kam përcjellë atë që po ndodh sot në Elbasan.
Bashkia Elbasan ka hartuar lista me njerëz që marrin ndihmë ekonomike dhe i ka paisur ata me letra ndihmash në këmbim të firmës së tyre dhe kundrejt zotimit se me 14 maj do të votojnë për PS-në.
Për të shmangur shpërndarjen e ndihmave në Bashki, lista shumë emërore i është dhënë përfaqësuesve të një komuniteti fetar dhe pamjet flasin vetë!
Eshtë rasti që institucionet e drejtësisë të veprojnë menjëherë! Faktet janë publike! Pasi i kanë mbajtur peng dhe i kanë zhytur në varfëri për 16 vjet, tani po u blejnë njerëzve edhe dinjitetin.”