Shkarkoni aplikacionin e Fax Web

 


AktualitetFlashKryesoreTe FunditTe Gjitha

Ligjërisht nuk i arrestojnë dot/ Kush janë 8 kontrollorët e Albcontroll që mbahen ende në Polici, disa prej tyre shkuan vullnetarisht

8 kontrollorë janë mbajtur në ambientet e drejtorisë së Policisë së Tiranës, pasi u shoqëruan rreth mesnatës së djeshme, nën akuzën e shpërdorimit të detyrës.

Faxweb.al ka siguruar dhe emrat e personave që mbahen ende në drejtorinë e Policisë, edhe pse nuk u është prerë një fletëarresti, pasi situata ligjore për rastin e tyre është e paqartë.

Te shoqëruar janë: Rei Katroshi, Armando Fezga, Flora Ndreca, Mohnir Mezini, Sokol Kosta, Elton Shabani dhe dy persona të tjerë.

Sipas burimeve të Policisë një pjesë e kontrollorëve janë dorëzuar vullnetarisht në Polici, ndërkohë që pjesa tjetër janë shoqëruar teksa qëndronin në një hotel pranë punës së tyre në Rinas.

Fax News transmetoi dhe pamjet e momenteve të shoqërimit rreth mesnatës, si dhe dëshminë e menaxherit të hoteli, i cili tha se punonjësit e policisë kishin marrë dhe dy persona të stafit në komisariat. (Lexo edhe ketu) 

Edhe pse Rama dhe Balluku u dhanë kohë kontrollorëve që të ndryshonin qëndrim deri mëngjesin e sotëm, duket se pabesisht gjatë mesnatës ata kanë vënë në jetë planin për shoqërimin e tyre, ndërkohë që prej mesditës në Rinas ka shkuar dhe ushtria.

Puna në Aeroportin e vetëm të vendit është e pezulluar prej ditës së djeshme, deri në orën 10 të paradites së sotme, dhe mbetet për t’u parë nëse një pjesë e kontrollorëve do të kthehen në punë, duke rënë pre e presionit të qeverisë.

Faxweb.al raportoi që prej mbrëmjes së djeshme se Prokuroria e Rrethit Gjyqësor, Tirane ka filluar hetimet per situatën e ndodhur ne aeroportin e Rinasit. Vepra penale per te cilen po hetohet lidhet me Shperdorim detyre, parashikuar nga neni 248 i Kodit Penal.

Nga ana e oficereve të policisë gjyqësore, po kryhen veprimet e duhura hetimore për zbardhjen e rrethanave te ngjarjes së ndodhur.

Po vijojnë veprimet hetimore ne drejtim të evidentimit të rolit të secilit prej personave të përfshire në këtë ngjarje.

(E.K/Faxweb.al)

Për kë do të votoni në zgjedhjet e 25 prillit?

View Results

Loading ... Loading ...
Për t'ju bashkuar grupit të Faxweb.al në Facebook, klikoni Join Group
loading...

Artikuj të Ngjashëm

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.