Kryeministri Edi Rama ka shkruar në Tëitter pas takimit të Kurtit dhe Vuçiçit. Rama shpresoj që kjo marrëveshje për të cilën palët kanë rëndë dakord të mos jetë një tjetër mashtrim ballkanik siç e quan ai.
Nëse nuk është kjo, kryeministri thotë që do të ishte një arritje historike. Në fund uron pjesëmarrësit e bisedimeve dhe të bëhet realitet ajo për të cilën është rënë dakord.
Rama: Le të shpresojmë që djalli të mos fshihet në detaje sonte dhe që marrëveshja e rënë dakord por e pa nënshkruar të mos jetë një tjetër mashtrim ballkanik! Përndryshe kjo do të ishte një arritje historike që do të shpallte një pranverë të shumëpritur në marrëdhëniet mes dy kombeve më të mëdha të Ballkanit.
Dhe le t’i urojmë sinqerisht katër protagonistët e tryezës së sotme të Ohrit, duke uruar që së shpejti marrëveshja e panënshkruar të kthehet në një realitet të ri të pakthyeshëm mes Kosovës dhe Serbisë, shqiptarëve dhe serbëve, Ballkanit Perëndimor dhe Bashkimit Evropian.
