Një ngjarje e rëndë ka ndodhur në qytetin e Elbasanit ku është qëlluar për vdekje avokati Ravik Gurra, 50-vjeç i cili ka ndjekur procesin gjyqësor për rreth 5 vite ndaj fisit Çapaj si dhe atë të Emiliano Shullazit.
Në momentin e atentatit Gurra ishte ulur në ambientet e jashtme të një lokali dhe është qëlluar me breshëri me pistoletë të cilës i ka qenë vënë silensiator. Gurra ka humbur jetën në vend nga të shtënat me breshëri, pavarësisht ndihmës së parë nga personat që ndodheshin pranë vendin e ngjarjes.
Dyshohet se autorin e ngjarjes e ka ndihmuar dikush tjetër që të largohet nga vendngjarja ndërkohë, policia bën me dije së ka rrethuar zonën duke u vënë në kërkim të autorit.
Burimet për Fax News bëjnë me dije se në lagjen Nshu, periferi të Elbasanit është gjetur një makinë e djegur e cila mund të ketë lidhje me ngjarjen.
Ngjarja ka ndodhur rreth orës 19:15 minuta rreth 40 metra larg kalasë në qendër të qytetit.
Shërbimet e Policisë kanē ngritur pika kontrolli në të gjitha rrugët në hyrje e dalje si dhe po krehin zonēn ku dyshohet se janë larguar autorët.
Grupi hetimor ndodhet në vendngjarje dhe po grumbullon e fikson çdo provë që do shërbejë për zbardhjen e ngjarjes. Një grup ekspertësh nga Departamenti i Policisë Kriminale në Policisë e Shtetit është nisur menjëherë në ndihmë të grupit hetimor për të bërë të mundur zbardhjen e shpejtë të ngjarjes” njofton policia.
(F.GJ/FAXWEB.AL)
Discussion about this post