Edhe sot pritet mot i paqëndrueshëm në vendin tonë. Dita nis me mot të kthjellët dhe alternime vranësirash të cilat herë pas here do të sjellin reshje të izoluara dhe mesatare, gjatë pjesës së dytë të ditës. Në disa qytete nuk përjashtohet mundësia për reshje në formën e shtrëngatave.
Sipas Meteoalb, sot temperaturat do të pësojnë një rënie të ndjeshme, ku do të variojnë: në zonat malore, nga 19º në 28ºC, në zonat e ulëta nga 24ºC në 32ºC dhe në zonat bregdetare nga 26°C në 33ºC.
Era do të fryejë në drejtim Veripërëndimor ndërsa forca e valëzimit në det do të jetë 2-3 ballë.
Gjatë ditës së djeshme në të gjitha zonat bregdetare të vendit pati stuhi me reshje shuiu dhe ere, që sollën largimin e shumë pushuesve nga plazhet, që kishin zgjedhur dyjavëshin e parë të Gushtit për të pushuar.
Moti i paqendrueshëm do të vazhdojë edhe nesër, ndërkohë që fundjava pritet që të rikthejë diellin dhe temperaturat e larta.
(E.K/Faxweb.al)