Prokuroria e Tiranës ka kërkuar shoqërimin e liderit të opozitës, Lulzim Basha, pas refuzimit për të shkuar si i pandehur gjatë ditës së sotme. Prokuroria ka dorëzuar në polici kërkesën për shoqërimin e detyruar të Bashës në datën 20 qershor.
Kryetari i PD, Lulzim Basha dhe dy drejtuesit e tjerë, Arben Ristani dhe Ilir Dervishi më herët e kanë konsideruar në shkelje të ligjit thirrjen e tyre në prokurori sot në orën 9.30.
Në një letër drejtuar prokurorisë së Tiranës, Kryetari i PD shpreh gatishmërinë për t’u paraqitur për t’u paraqitur në prokurori, sapo ajo të zbatojë me përpikmëri ligjin. Basha në këtë mënyrë refuzon të zbatojë ultimatumin e dhënë nga ana e Prokurorisë.
Sipas PD-së në njoftimin e prokurorisë së datës 12 Qershor nuk është zbatuar kërkesa e ligjit për prezantimin e fakteve qe kanë rezultuar deri tani nga hetimet për lobimin e PD në Shtetet e Bashkuara të Amerikës.
Për këtë arsye, Kryetari i PD i ka kërkuar prokurorisë plotësimin e njoftimit për paraqitje sipas ligjit. “Ju nuk keni parashtruar në njoftimin tuaj asnjë fakt që ka dalë nga hetimet, duke mos plotësuar detyrimet ligjore”- shprehet në letrën e tij Kryetari i PD, Lulzim Basha.
Ai e mbyll letrën duke theksuar se “duke kërkuar gatishmërinë time për të zbatusr ligjin, kërkoj nga prokuroria, që të bëjë të njëjtën gjë. Në keto kushte, kërkoj plotësimin e ftesës oër paraqitje, siç ju detyron ligji, duke rikonfirmuar gatishmërinë time për t’u paraqitur sipas njoftimit të dërguar nga ana juaj në përputhje me ligjin”. (lexo ketu)
Gjithashtu dhe Partia Demokratike në nje reagim të saj e quajti shërbim ndaj Ramës kërkesën e prokurores Elisabeta Ymeraj për shoqërimin me force të kreut të PD-se, Lulzim Basha duke e konsideruar si tentative për të arrestuar kreun e opozitës (lexo ketu).
Discussion about this post