Policia e Durrësit ka vënë në pranga një 22 vjeçar i cili pak ditë më parë aksidentoi një shtetase italiane 74 vjeçare dhe u largua nga vendngjarja.
Ai është Endri Zaja, 22 vjeç, banues në Durrës. Sipas njoftimit të Policisë, personi në fjalë është përgjegjës dhe për dy vjedhje në markete.
Fax Neës siguroi tre ditë më parë dhe videon e aksidentit të shtetases italiane. Në video shihet makina e cila vjen me shpejtësi dhe merr para dy persona, një burrë dhe një grua.
Po nga videoja vihet re se burri i përplasur ngrihet menjëherë, ndërsa gruaja merr dëmtime më të rënda, e cila më pas u transportua në spital, jashtë rrezikut për jetën.
Njoftimi i Policise:
Endri Zaja, 22 vjec, banues ne Durres, eshte arrestuar nga Policia pwr shkak se ka perplasur nje shtetase italiane pak dite me pare, si edhe eshte pergjegjes per disa vjedhje marketesh.
Durrës
Aksidentoi një shtetase më datë 15.06.2021, dhe u largua, bie në prangat e Policisë autori i dyshuar.
Gjithashtu ky shtetas ishte i shpallur në kërkim pasi dyshohet si autori kryesor i 2 vjedhje në Durrës.
Specialistët për Hetimin e Krimeve në Komisariatin e Polcisë Durrës, në vijim të punës për kapjen e personave në kërkim dhe zbardhjen e vjedhjeve të ndodhura më parë, pas një pune intensive u bë e mundur kapja dhe ndalimi i shtetasit E. Z., 22 vjeç, banues në Durrës.
Ky shtetas më datë 15.06.2021, në lagjen nr.11, Durrës, duke drejtuar mjetin tip “Toyota”, ka aksidentuar shtetasen italiane A. G., 74 vjeçe, dhe më pas është larguar nga vendngjarja. Shtetësja A. G., pas mjekimit të marë në spital është larguar në banesë.
Në vijim të veprimeve të kryera dyshohet se ky shtetas është autor i 2 vjedhjeve të ndodhura më parë, konkretisht:
Më datë 10.06.2021, në Kameras, Durrës, dyshohet se ka vjedhur në dyqanin e shtetases V. M., një sasi vlere monetare dhe disa paketa cigare.
Më datë 14.06.2021, në lagjen nr.13, Plazh, Durrës, dyshohet se ka vjedhur në marketin e shtetasit M. M.
Materialet në ngarkim të shtetasit E. Z., do ti kalojnë Prokurorisë së Rrethit Gjyqësor Durrës, për veprat penale “Shkelja e rregullave të qarkullimit rrugor”, “Largimi nga vendi i aksidentit” dhe “Vjedhja”.
(E.H/Faxweb.al)