Shkarkoni aplikacionin e Fax Web

 


AktualitetFlashKryesoreTe FunditTe Gjitha

Tensione në protestën e naftëtarëve, punonjësit kapërcejnë portat hyrëse të uzinës, mblidhen forca të shumta policie (VIDEO-LIVE)

Tensione janë krijuar në protestën e naftëtarëve të Ballshit, të cilët janë ngritur për të kërkuar pagat e tyre, të cilat nuk i kanë marrë prej kohësh.

Naftëtarët e Ballshit kanë kapërcyer portat që të hyjnë në ambientet e uzinës, ndërkohë që janë shtuar forcat e shumta të policisë.

Sipas raportimit të gazetares së Fax News, Fatmira Bajramaj, naftëtarët ndodhen para zyrave të rafinerisë së Ballshit të shoqëruar nga forca të shumta të policisë. Ato janë grumbulluar para uzinës, ndërkohë që ende nuk janë shpërndarë.

Mediat sakaq nuk janë lejuar të filmojnë dhe janë larguar nga rojet e Rafinerisë për të hyrë brenda.

Punonjësit janë shprehur se kanë një vit pa marrë pagat, ndërkohë që nuk është respektuar asnjë kontratë, megjithëse ishte dhënë urdhër që në uzinën e Ballshit çështja të zgjidhej brneda qershorit.

“Janë mbledhur punonjësit se i ka ndaluar pólicia dhe aty prisnin që të vinte pronari, por nuk erdhi. Kryetarin e sindikatës e kanë marrë në pólici. Kemi një vit pa marrë paga. Ministrja e Energjitikës, zonja Balluku ka dhënë urdhër që uzinën e Ballshit ta shohin brenda muajit Qershor. Iku Qershori, Korriku, po ikën dhe Gushti e asgjë.

Zoti Rama do ti paguajmë dritat. Thonë do vimë sot, do vimë nesër. Thonë që është një maqedonas e nuk dimë asgjë, kemi tre muaj. Kemi që në shtator, jemi pa bukë, jemi me kredi, me fëmijë. Nuk e marrim vesh çfarë bën ky shtet me ne”, tha punonjësi.

Fjalët Kyce
Për t'ju bashkuar grupit të Faxweb.al në Facebook, klikoni Join Group
loading...

Artikuj të Ngjashëm

Leave a Reply

Your email address will not be published. Required fields are marked *