Sapo është mbledhur Komisioni Qëndror i Zgjedhjeve i cili po diskuton për dekretin e Presdidentit Ilir Meta lidhur me ç’dekretimin e datës 30 Qershor si datë e zgjedhjeve vendore.
Në nisje të kësaj mbledhjeje, Klement Zguri tha se ky vendim i Metës është detyrues sepse Presidenti është institucioni i rëndësishëm i vendit.
Pasi bëri një analizë të situatës në të cilën ndodhet vendi për shkak të këtij precedenti, Zguri tha se nuk e shikonte veten të gatshëm për të qenë pjesë e kësaj mbledhjeje kështu që u largua nga punimet.
“Mbledhja është thirrurr nga 2 kolegët e mi, ka 3 projektvendime për tu diskutuar. Ju bëj me dije që kemi dekretin e Presidentit të Republikës. Dekreti ne KQZ për të njoftuar subjektet zgjedhore me këtë akt. Situatë e pazakontë, si një lloj sfide. Nga njëra anë dekreti i Presidentit dhe nga ana tjetër një mbledhje për rendin e ditës të përcaktuar nga 2 kolegët. Në zgjedhjet e 2017 ka ndodhur e njëjta gjë. KQZ duhet ti bindet dekretit, këtë bëmë dhe kur u vendos për datën e zgjedhjeve
Unë besoj se ka një hierarki ligjore por e theksoj se mua personalisht nuk më ka ndodhur ndonjëherë që presidenti të marrë një vendim të tillë. Në gjykimin tim janë në të drejtën e tyre, por nuk dua të futem në debatin nëse janë apo jo në të drejtën e tyre. Nuk dua të gjykoj dekretin e Presdientit, ka organe të tjera si Gjykata Kushtetuese që e bën këtë gjë. Por mua si drejtues i KQZ-së është detyrues si përfaqësues të prosesit zgjedhor. Refuzoj ti futem brendisë nuk është detyrim i KQZ-së prandaj unë jam i detyruar të çohem”, tha Zguri para se të largohej nga mbledhja.
(F.GJ/FAXWEB.AL)
Discussion about this post