Shkarkoni aplikacionin e Fax Web

 


AktualitetFlashKryesoreTe FunditTe Gjitha

Pas ambasadorëve për lëvizjen e opozitës, edhe Rama përshëndet vendimin: Më mirë vonë se kurrë!

Pas qëndrimeve të ambasadorëve të SHBA dhe BE të cilët përshëndetën vendimin e kreut të PD-së Lulzim Bashës për t’iu rikthyer dialogut për Reformën Zgjedhore, ka reaguar edhe kryeministri Edi Rama.

Rama me anë të një mesazhi në Twitter është shprehur se vendimi i opozitës jashtë parlamentare për të qenë pjesë e tryezës është për një kthesë për t’u përshëndetur.

Postimi i Ramës: “Kthimi i opozitës jashtëparlamentare në tryezën e Reformës Zgjedhore një kthesë për t’u përshëndetur! Më mirë vonë se kurrë dhe inshallah këtë herë deri në mbylljen e këtij procesi të stërzgjatur, sepse koha nuk pret dhe me vullnet të mirë mund të arrihet shpejt në konsensus.”

Kreu i PD-së Lulzim Basha në një deklaratë për mediat, u shpreh se PD është e gatshme që të japë kountributin e saj për të përfunduar sa më parë Reformën Zgjedhore. Basha tha se PD do të ulet njëherë e më parë në tryezën e Reformës Zgjedhore, ndërsa theksoi se zgjedhjet e lira do t’i japin fitore plebishitare partisë që ai drejton.

“Jemi të angazhuar plotësisht në përfundimin njëherë e mirë të Reformës zgjedhore që mund tiu japim më në fund shqiptarëve zgjedhje të lira dhe të ndershme. Edi Rama duhet të largohet një orë e më parë përmes një vote plebishitare.

Unë nuk e di se cili në televizionin tuaj ka guximin të thojë se opozita duhet të ulej në tryezë pak orë pas aktit të shembjes së Teatrit, por opozita nuk e ka braktisur në asnjë rast tryezën e Reformës Zgjedhore. Nuk ka njeri që nuk e kupton këtë, që ne nuk mund të uleshim në tryezë në një kohë kur deputetët tanë po rriheshin shqiptarët në rrugë”, tha Basha. (M.Q/Faxweb.al)

Partitë po negociojnë për të përmbyllur Reformën Zgjedhore. A mendoni se Presidenti Meta duhet të dekretojë një datë zgjedhjesh në tetor të këtij viti?

Për t'ju bashkuar grupit të Faxweb.al në Facebook, klikoni Join Group
loading...

Artikuj të Ngjashëm

Leave a Reply

Your email address will not be published. Required fields are marked *