Policia e Durrësit ka arrestuar ditën e sotme djalin dhe kushëririn e Sajmir Taullai, rivalit të kapobandës së Lushnjës Aldo Baro.
Personat e arrestuar janë Klajdi dhe Sajmojen Taullau, të cilët kanë rënë në pranga e policisë për veprën penale të “Trafikimit të lëndëve narkotike”.
Kush është Saimir Taullau?
Saimir Taullau është arrestuar disa muaj më parë me qëllim ekstradimin drejt Zvicrës për të shlyer një dënim prej 4 vitesh për “Trafikim të lëndëve narkotike”.
Taullau është vëllai i Baki Taullaut dhe figuron i skeduar nga Policia e Shtetit si një person me precedent të mëparshëm penalë.
Në tetor të vitit 2017, atij iu bë një tjetër atentat, por sërish ai ka arritur të shpëtojë me vetëm një plumb.
Familja Taullai është njohur si rivale e fortë e Aldo Bares. Në vitin 2005, Baki Taullau u vra, ndërkohë që Saimiri, vëllai i tij, ishte dëshmitar në gjyq, ku ka dëshmuar dhe ka akuzuar si autorë të vrasjes, pjesëtarët e këtij grupi me urdhër të Bares.
Përplasja me Aldo Baren
Konflikti ka nisur në vitin 1997, kur banda e Aldo Bares rriti influencën në Lushnje. Familja Taullau kishte në pronësi një pikë karburanti dhe disa biznese. Bare kërkoi të rekrutonte në grup Saimir Taullaun, i cili refuzoi.
Nga ky moment, banda nisi të vendosë gjoba për familjen, duke përfunduar në vrasjen e Baki Taullaut.
Familja e tij, ka patur gjithnjë përplasje me grupin e Aldo Bares, për shkak të një gjobe të vendosur gati 2 dekada më parë me vlerë 500 mijë euro, p ngjarje ende nuk është zbardhur.
Në dëshminë e tij, para gjykatës në vitin 2008, Saimir Taullau, ka thënë se i vëllai i tij, Baki Taullau, ishte pre e gjobave të grupit të Aldo Bares. Siç dëshmonte asokohe Taullau, i vëllai i tij i kishte paguar disa herë gjobat që grupi i Bares i kishte vendosur, dhe kur ai nuk i pagoi më, atëherë atë e vranë.(F.M/Faxweb.al)