Shkarkoni aplikacionin e Fax Web

 


AktualitetFlashKryesorePolitikëTe FunditTe Gjitha

Aplikojnë 10 kandidatë për vendin bosh të Besnik Muçit në Kushtetuese. Presidenca zbardh emrat

Presidenca ka zbardhur emrat e 10 aplikantëve që kërkojnë të marin detyrën e anëtarit të Gjykatës Kushtetuese pas përfundimit të afatit për vendin vakant të Besnik Muçit, pas ‘djegies’ nga Vetingu të këtij të fundit..

Sipas njoftimit të Presidencës, kjo procedurë është rishpallur me Dekretin nr. 11364, datë 22.11.2019, të Presidentit të Republikës, ndërsa radhit edhe 10 emrat e aplikantëve.

Ndërkohë kjo listë së bashku me dokumentacionin e dorëzuar do të përcillen menjëherë pranë Këshillit të Emërimeve në Drejtësi për verifikim dhe vlerësim sipas ligjit.

Institucioni i Presidentit të Republikës, njofton se:

Pas përfundimit të afatit të aplikimit për vendin vakant gjyqtar në Gjykatën Kushtetuese, “Vakancë e parakohshme”, e krijuar për shkak të përfundimit përpara kohe të mandatit të ish-gjyqtarit, zotit Besnik Muçi, procedurë kjo e rishpallur me Dekretin nr. 11364, datë 22.11.2019, të Presidentit të Republikës, rezulton se kanë aplikuar shtetasit e mëposhtëm:

1. Zoti Altin Binaj
2. Zoti Artan Spahiu
3. Zoti Dedë Kasneci
4. Zoti Eugen Papandile
5. Zoti Gentian Mete
6. Zoti Sergjio Mazreku
7. Zoti Sinan Tafaj
8. Zonja Sonila Bejtja
9. Zoti Shaqir Hasanaj
10. Zonja Zhaklina Peto

Lista me aplikantët e mësipërm, së bashku me dokumentacionin e dorëzuar do të përcillen menjëherë pranë Këshillit të Emërimeve në Drejtësi për verifikim dhe vlerësim sipas ligjit.

Kujtojmë sa pas heqjes së emrit të Besnik Muçit nga Gjykata Kushtetuese nga faqja zyrtare  i cili u shkarkua dje nga KPA pas takimit që ai pati me Metën, në zyrën e kreut të shtetit, ka njoftuar presidentin Meta për vendin e ri vakant, duke pranuar vendimin e KPA-së.

Muçi kishte kërkuar nga Gjykata Kushtetuese që të merrej një vendim lidhur me fatin e mandatit të tij, pasi sipas gjyqtarit KPA nuk kishte rol vendimarrës mbi anëtarët e Kushtetueses.

Besnik Muçi u shkarkua dje nga KPA, si prokuror, duke u përjashtuar për 15 vite nga sistemi i drejtësisë, por sipas tij ai nuk mund të largohet nga Gjykata Kushtetuese, pa një vendim të këtij organi.

Fjalët Kyce
Për t'ju bashkuar grupit të Faxweb.al në Facebook, klikoni Join Group
loading...

Artikuj të Ngjashëm

Leave a Reply

Your email address will not be published. Required fields are marked *