AktualitetBotaFlashTe FunditTe Gjitha

Kundër taksave për “Whatsapp-in”, protestuesit “djegin” Bejrutin (FOTO)

Ideja për vendosjen e një takse për Whatsapp-in, ndezi zemërimin e libanezve. Mijëra njerëz vërshuan në rrugët e disa qyteteve të mëdha libaneze për të protestuar ndaj atij që e shohin si “korrupsion i qeverisë”.

Zemërimin e tyre e ndezi propozimi për vendosjen e një takse ditore prej $0.20 mbi telefonatat përmes Whatsapp-it dhe aplikacione të tjera.

Në shumë qytete të vendit manifestuesit shkaktuan dhe dëme materiale, përfshirë kryeqytetin Bejrut.

Kjo ishte nxitja e parë; pas kësaj tubuesit ngritën çështje të tjera si korrupsioni dhe infrastruktura e çalë e vendit. “Nuk jemi këtu vetëm për Whatsapin, por për gjithçka tjetër, karburantin, ushqimin, bukën, çdo gjë”, u shpreh njëri prej tyre.

Protesta  mori kthesë të dhunshme kur policia përdori gaz lotsjellëse mbi turmën, e në përleshje, u plagosën dhjetëra vetë.

Sipas Times of Israel, njerëzit brohorisnin “revolucion” dhe “kërkuan rrëzimin e regjimit”, një frazë e zakonshme proteste në pjesë të botës arabe.

Fjalët Kyce

Artikuj të Ngjashëm

Leave a Reply

Your email address will not be published. Required fields are marked *