Shkarkoni aplikacionin e Fax Web

 


AktualitetFlashKryesorePolitikëTe FunditTe Gjitha

Kryeministri italian konferencë me Ramën: Uluni sa më shpejt në dialog, gjeni rrugën për zgjidhjen e krizës

Kryeministri shqiptar Edi Rama ndodhet në një vizitë zyrtare në Itali dhe është pritur nga homologu i tij Giuseppe Conte ku kanë dhënë edhe një deklaratë të përbashkët përpra mediave lidhur e temat që kanë diskutuar.

Kryeministri Italian ka vlerësuar bashkëpunimin mes dy vendeve si dhe ka kërkuar nga mazhoranca dhe opozita në Shqipëri që të ulen në dialog për të gjetur një rrugë për zgjidhjen e krizës politike në të cilën ndodhet vendi. Duhet që palët të ulen në një dialog konstruktiv dhe pa kushte.

Giuseppe Conte, Kryeministër i Italisë

“Vlerësoj marrëdhëniet mes dy shteteve dhe nxisim klimën e biznesit dhe investimet e ndërsjellta. Ne do të vazhdojmë të investojmë në Shqipëri dhe të nxisim luftën kundër krimit. Do të punojmë në nismat që nxisin klimën e biznesit dhe bashkëveprimit të tij në të dyja vendet. Ne ftojmë palët politike në Shqipëri që të ulen dhe dialogojnë pa kushte për të gjetur rrugën përmes të cilës zgjidhet kriza politike në Shqipëri. Italia mbështet plotësisht rrugën e integrimit të Shqipërisë dhe Maqedonisë së Veriut në Bashkimin Europian, tha ndër të tjera Conte

Ndërkohë, kryeministri Rama ka falenderuar homologun e tij për përkrahjen që Italia i ka dhënë procesit të integrimit, ndërsa ka shprehur qëndrimin që për Shqipërinë rruga e vetme është ajo drejt anëtarësimit në Bashkimin Europian.

Edi Rama, Kryeministër i Shqipërisë

“Kemi ndjekur deri më tani të gjitha propozimet e Bashkimit Europian. Ne kemi miq dhe partner të fortë. Informova kruyeministrin Conte për reformat dhe përparimet e tyre në Shqipëri. Më duhet të falenderoj kryeministrin për kontributin që ka dhënë në integrimin e Shqipërisë. Jemi plot besim për integrimin në Bashkimin Europian dhe rruga jonë e vetme është kjo. Me këtë rast përshëndës edhe qëndrimin që mbajti Italia për hapjen e negociatave për Shqipërinë dhe Maqedoninë e Veriut. Është një numër i madh shqiptarësh që japin kontribute shoqërore në shtetin Italian ndaj i folëm edhe për këtë çështje dhe skemën që do të parktikohet për të lehtësuar procedurat. Folëm gjithashtu për mundësinë e forcimit të bashkëpunimi dhe miqësisë mes dy vendeve. Kemi diskutuar edhe për bashkëpunimin ekonomik dhe operatorët Italian që veprojnë në Shqipëri. Ne e mirëpresim investimin e ndërmarrjeve italiane në vendin tonë. Vlerësojmë gjithashtu edhe bashkëpunimin kulturor mes Shqipërisë dhe Italioë dhe këtu vlen të përmendet edhe komuniteti Arbëresh që jeton këtu”, tha Rama.

Edi Rama dhe Giuseppe Conte në konferencë për shtyp

(F.GJ/FAXWEB.AL)

Fjalët Kyce

Mendoni se duhet të hapen listat e partive dhe të ndalohen koalicionet parazgjedhore?

Për t'ju bashkuar grupit të Faxweb.al në Facebook, klikoni Join Group
loading...

Leave a Reply

Your email address will not be published. Required fields are marked *