Kryeministri Edi Rama pasi mbërriti në samitin e BE, ka dhënë një mesazh nga Brukseli permes Twitter-it në lidhje me anëtarësimin e vendit tonë dhe Bullgarisë.
Duke u ndalur tek Vetoja e Bullgarisë për Maqedoninë e Veriut, Rama tha se është një turp për Evropën çështja bullgare.
Duke iu referuar Bullgarisë, Rama shprehet se “një vend i NATO-s mban peng dy vende të tjera të NATO-s nën mbikëqyrjen e 26 vendeve të BE-së që qëndrojnë të qetë në një shfaqje të frikshme impotence”.
Postimi i Ramës:
Është një ditë e re në Evropë, por jo në Bullgari! Sa turp për Evropën kjo çështje bullgare! Në mes të një lufte shumë të nxehtë në oborrin e pasmë të Evropës, një vend i NATO-s rrëmben dy vende të tjera të NATO-s nën mbikëqyrjen e 26 vendeve të BE-së që qëndrojnë të qetë në një shfaqje të frikshme impotence!
Më herët Komisioneri për Zgjerimin dhe Fqinjësinë e Mirë Olivér Várhelyi, i ka bërë thirrje Bullgarisë që të miratojë sot në Samitin e BE-së propozimin për anëtarësimin e Maqedonisë së Veriut dhe Shqipërisë në BE.
Nëpërmjet një postimi në Tëitter, Varhelyi i bën thirrje parlamentit evropian dhe të gjitha palëve që të përmbushin angazhimin e tyre dhe të miratojnë sot në Samitin e BE-së, propozimin për anëtarësimin e Shqipërisë dhe Maqedonisë së Veriut në familjen e madhe të BE-së.