Shkarkoni aplikacionin e Fax Web

 


AktualitetFlashKryesorePolitikëTe FunditTe Gjitha

KQZ certifikoi rezultatin, PD dhe LSI asnjë ankesë në mbledhje, i vetmi kontestator Boiken Abazi: Votat u tjetërsuan (‘Premtimi’ i Celibashit)

Komisioni Qëndror i Zgjedhjeve certifikoi ditën e sotme rezultatin e 25 Prillit në të 12 qarqet e vendit. Pavarësisht akuzave publike Partia Demokratike dhe Lëvizja Socialiste për Integrim nuk kanë parashtruar asnjë ankesë në mbledhje dhe ndoshta do ta bëjnë një gjë të tillë brenda afatit 5 ditore që kanë për t’u drejtuar në KAS. Ka qenë vetëm kanidati i Vetëvendosjes, Boiken Abazi, ai i cili ka parashtruar ankesat e tij që lidhen me ndalimin e vëzhguesve, tjetërsimin e votave dhe mosdhënien e pamjeve filmike në disa KZAZ të kryeqytetit.

Do të bëjmë ankesë në KAS. Ne kemi parë parregullsi dhe shkelje ligjore në qarkun e Tiranës. Vëzhguesit tanë janë penguar nga policia dhe KZAZ-ja të ndiqja numërimin. Ka 18 mijë fletë të pavlefshme. Kemi dëgjuar se do të ketë ekspertizë për to. Cfarë do të ndodhë me këtë proces? Ne jemi të bindur që ka pasur një plan të orkestruar për të vendosur një apo 2 “X”, për ta bërë me qëllim të pavlefshme.

Në kamerat tuaja 360 gradë, del një pamje e deformuar dhe nuk kuptohet asgjë. Në materialet filmike që kemi marrë mungojnë të KZAZ 31, nga 17:00 e datës 26, kamera 360 gradë nuk ekziston. KZAZ nr. 33 data 26 prill kamera 360 gradë nga ora 2 mëngjesit asnjë material.

KQZ nr. 39 për të gjitha datat mungon kamera 360 gradë. Nuk e di nëse është problem teknik. Nuk e di a e konstatuar KQZ mungesën totale të pamjeve? Në këto kamera 360 gradë nuk kuptohet asgjë, në zgjedhjet e radhës të ketë më shumë kamera të këtij lloji. Paraqesin një pamje të deformuar duke mos kuptuar asgjë me dengun letrave.

KZAZ nr. 30 në Bërzhitë qendra 1607 kemi evidentuar dy vota për kandidatin e pavarur të pa numëruar, kemi dalë me zero. Te njësia 7 KZAZ nr. 37, 1902/2, 5 vota shtesë të pastra që nuk janë hedhur në tabelë. Në Katund të Ri në 26 prill ka ndodhur numërimi vetëm me pjesëmarrjen e një grupi, jo të tjerëve. Një nga numëruesit vendoste “X” përpara fytyrës së vëzhguesit tonë pasi refuzonte të largohej. Te Shkolla e Kuqe ne jemi zhdukur nga raportimi atë ditë” ishin disa nga problemet që ngriti Abazi.

Komisioneri Shtetëror i Zgjedhjeve, Ilirjan Celibashi, u përgjigj se do të paraqesë në prokurori të gjitha shkeljet e pretenduara nga kandidati i LVV-së në Tiranë.

Nga pikëpamja procedurale ne miratojmë sot rezultatet bazuar te cdo qendër votimi, gjë që do të thotë, një pasqyrim strikt i asaj që KZAZ-ja ka depozituar në KQZ, kjo nuk u heq të drejtën të prezantoni të gjitha ato shqetësime, që duhet ti prezantoni përmes një ankimi brenda 5 ditëve.

Ju rikonfirmoj, që edhe KQZ ka interes të shikojë si ka qenë sjellja e komisionerëve, ne i disponojmë të gjitha filmimet do të bëjmë edhe ne këqyrjet tona dhe do i adresojmë në prokurori gjetjet. Nëse ndonjë e ka menduar si gjë që do të kalojë, nuk do të kalojë. Të siguroj që nuk do të jemi indiferentë” tha ai.

Për t'ju bashkuar grupit të Faxweb.al në Facebook, klikoni Join Group
loading...

Artikuj të Ngjashëm

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.