Shkarkoni aplikacionin e Fax Web

 


AktualitetFlashKosovaPolitikëTe FunditTe Gjitha

Shtyhet qeveria e re në Kosovë, Kushtetuesja “pezullon” Thaçin, ja si do veprojë Kuvendi

Kosova po përballet me një situatë të jashtëzakonshme si pasojë e krizës politike që ka përshirë vendin në këtë kohë pandemie. Kujtojmë se Kosova është në përpjekje për të formuar qeverinë e re pas rrëzimit të qeverisë Kurti në Parlament.

Gjykata Kushtetuese ka vendosur që përkohësisht ta pezullojë vendimin e presidentit të Kosovës, Hashim Thaçit, që dje përmes një dekreti e ka mandatuar Avdullah Hotin për kryeministër. Kjo është bërë pas kërkesës së 30 deputeteve të grupit parlamentar të Vetëvendosjes, që kanë kërkuar që fillimisht të pezullohet vendimi deri në një vendim përfundimtar të Kushtetueses.

Kjo do të thotë që nesër nuk mund të mbahet seanca e thirrur nga LDK’ja për në ora 13:00.

Gjykata, në mbështetje të nenit 116.2 të Kushtetutës, të nenit 27 të Ligjit për Gjykatën Kushtetuese dhe të rregullit 57 të Rregullores së punës, më 1 maj 2020, me shumicë votash, vendosi:

  1. TË MIRATOJË masën e përkohshme në kohëzgjatje deri më 29 maj 2020, nga data e nxjerrjes së këtij Vendimi;
  2. TË PEZULLOJË MENJËHERË zbatimin e Dekretit të Presidentit të Republikës së Kosovës, nr. 24/2020, të datës 30 prill 2020, në kohëzgjatje të
    përcaktuar në pikën I të këtij dispozitivi;

Gjykata, pa paragjykim ndaj pranueshmërisë ose meritave të kërkesës, ka përfunduar se kërkesa e parashtruesve për masë të përkohshme përkitazi me Dekretin e kontestuar të Presidentit duhet të miratohet si e bazuar.

Bazuar në këtë realitet të ri, kryetarja e Kuvendit, Vjosa Osmani mund të mos e thërrasë seancën, derisa nuk merret përgjigje nga Kushtetuesja.

 

 

 

Fjalët Kyce
Për t'ju bashkuar grupit të Faxweb.al në Facebook, klikoni Join Group
loading...

Artikuj të Ngjashëm

Leave a Reply

Your email address will not be published. Required fields are marked *