Ambasadori amerikan në Kosovë, Philip S Kosnnett, i ka dorëzuar Presidentit të vendit, Hashim Thaçi, letrën nga Mattheë Palmer, Zëvendës Asistenti i Sekretarit të Shtetit, Zëvendës Asistentja e Sekretarit të Mbrojtjes, Laura Cooper dhe Zëvendës Drejtori për Çështje të Europës në Këshillin e Sigurisë Kombëtare, John Erath.
Letra që është përcjellë nga Ambasadori amerikan, e nënshkruar nga tre personalitetet e larta, konfirmon problemet serioze të marrëdhënieve midis Kosovës dhe SHBA-së.
Në letër trajtohet qëndrimi që kanë SHBA-të kundrejt taksës së vendosur nga qeveria e Haradinajt ndaj mallrave serbe dhe boshnjake, si dhe pasojat që ka ky vendim për ecurinë e dialogut midis Serbisë dhe Kosovës e për pasojë edhe ndikimin që ka kjo në marrëdhëniet midis kosovës dhe SHBA-ve.
Në letër shkruhet se, veprimet e politikës kosovare minojnë mundësinë e Shteteve të Bashkuara të Amerikës që të vazhdojnë bashkëpunimin me Kosovën në një fushë të gjerë objektivash të përbashkëta.
“Pasi konstatuam që kërkesat tona për të pezulluar taksën, nuk u morën parasysh, kemi vendosur të ndërmarrim hapa që do të shfaqin shqetësimin tonë, përfshirë këtu edhe partneritetin në fushën e sigurisë”, – shkruhet më tej në letrën e tre zyrtarëve të lartë amerikan.
Ajo mbyllet duke i bërë thirrje klasës politike të Kosovës që të tërheqin vendimin për rritjen 100% të taksës për mallrat serbe dhe boshnjake, sepse për aq kohë sa nuk bëhet një gjë të tillë, SHBA-të shkruhet në letër, nuk mund të kenë raportet e fuqishme që kishin më parë me Kosovën.
Letra e plotë:
I dashur President Thaçi: I dashur Kryeministër Haradinaj: I dashur Kryeparlamentar Veseli: Ashtu siç u ka shkruar edhe Presidenti Trump në letrën e tij në dhjetor të 2018, ky është momenti i mundësisë së Kosovës, që duke normalizuar marrëdhëniet me Serbinë të ndërmarr një hap të rëndësishëm përpara drejt integrimeve Euro-Atlantike si dhe të avancojë si një vend stabil, prosperues dhe i sigurt.
Që atëherë ne kemi shprehur shqetësimet tona që veprime të caktuara, përfshirë këtu vendosjen e taksës ndaj produkteve serbe dhe boshnjake, do të mund të rrezikojnë këtë qëllim.
Këto veprime minojnë mundësinë e Shteteve të Bashkuara të Amerikës që të vazhdojnë bashkëpunimin me ju në një fushë të gjerë objektivash të përbashkëta. Pasi konstatuam që kërkesat tona për të pezulluar taksën, nuk u morën parasysh, kemi vendosur të ndërmarrim hapa që do të shfaqin shqetësimin tonë, përfshirë këtu edhe partneritetin në fushën e sigurisë.
Fillimisht, kemi vendosur të anulojmë vizitën e planifikuar të Gjeneralit Orr nga Garda Kombëtare e IOË-s, në Kosovë. Vizita e tij kishte për qëllim të përqendrohej në bashkëpunim bilateral në fushën e sigurisë. Duke pasur parasysh veprimet e padobishme të qeverisë tuaj, do të ishte e pavend që një vizitë e tillë të ndodhte.
Do të shikojmë me kujdes aspektet e tjera të bashkëpunimit tonë dhe do të shqyrtojmë nëse edhe ato do të pakësohen/shkurtohen/cungohen. Kosova nuk ka mik më të mirë sesa Shtetet e Bashkuara. Ne kemi punuar për kaq shumë vite për të realizuar një të ardhme për popullin e Kosovës, në mënyrë që ai të jetojë ashtu siç ka zgjedhur, në paqe. Lufta e Kosovës për liri ka mbetur në mendjen e Amerikanëve.
Mijëra diplomatë amerikane dhe ushtarë janë përfshirë personalisht në përpjekjet për të ndërtuar një të ardhme për Kosovën. Është e pabesueshme që pas gjithë çfarë kemi bërë bashkë, Kosova e vlerëson miqësinë tonë aq ulët sat ë injorojë këshillat tona.
Shtetet e Bashkuara vazhdojnë të jenë të gatshme të ndihmojnë Kosovën për të arritur një marrëveshje gjithëpërfshirëse e normalizuese me Serbinë, e cila do të përqendrohej në njohje reciproke, gjë që do të ishte e implementueshme, jetëgjatë dhe në të mirë të të dyja palëve. Në njëzet vitet e fundit, ky ka qenë një qëllim I paarritshëm.
Edhe pse ende e vështirë, është një rrugë që duhet ndërmarrë, në mënyrë që të arrijmë në sigurinë dhe prosperitetin që sjell e ardhmja. Qëllimi ynë është që të shohin Serbinë dhe gjithashtu Kosovën, të veprojnë me përgjegjësi dhe që t’i kthehen dialogut. Hapi i parë drejt këtij qëllimi do të ishte pezullimi i taksës.
Derisa nuk e bëni një gjë të tillë, ne nuk mund të kemi raportet e fuqishme që kishim më parë me ju. Përzemërsisht, Mattheë Palmer Zëvendës Asistent i Sekretarit të Shtetit.
(F.GJ/FAXWEB.AL)