AktualitetFlashKryesorePolitikëTe FunditTe Gjitha

”Koka” e Presidentit në dorë të Venecias, kur përfundojnë hetimet për Metën

Teksa ka nisur puna në Komisionin Hetimor  “Për kontrollin e ligjshmërisë së veprimeve të kryera nga ana e Presidentit të Republikës së Shqipërisë, në kuadër të ushtrimit të kompetencave të tij lidhur me zhvillimin e zgjedhjeve për organet e qeverisjes vendore” janë mësuar dhe hapat që do të ndiqen, si dhe dokumentet që do të merren në shqyrtim.

Kreu i Komisionit Ulsi Manja u shpreh se një rol shumë të rëndësishëm në veprimet e Komisionit do të ketë dhe opinioni që do të japë Komisioni i Venecias për shkarkimin e Metës,  pasi kemi të bëjmë me një përplasje kushtetuese.

Sipas planit të hartuar nga Komisioni, mbyllja e hetimeve pritet që të përfundojë në 8 Tetor, mirëpo Manja deklaroi se afati mund të shtyhet në rast se nuk ka një opinion nga Komisioni i Venecias.

“Komisioni Hetimor i është drejtuar gjatë muajve të verës disa institucioneve shtetërore kur është kërkuar informacioni i duhur për objektin e hetimit. U jemi dërguar me shkresë KQZ-së, Drejtorisë së Policisë së Shtetit,  presidencës, AMA-s, kolegjit zgjedhor prane gjyk se apeli dhe Prokurorisë. Në datat 10 dhe 11 shtator do të ketë takim komisioni i venecias me aktorët politik. Nëse raporti përfundimtar i komisionit të venecias nuk vjen deri ne datën 9 tetor, komisioni hetimor do të shtyj kohëzgjatjen e tij”, u shpreh Manja.

Ndërkohë që deputetët e opozitës në këtë komision kërkuan që puna të nisë pas konstituimit të Gjykatës Kushtetuese.

“Të shtyhet komisioni deri në ngritjen e Gj. së Lartë. Pa ngritjen e Gjykatës Kushtetuese të mos përparojmë”, u shpreh Alban Zeneli, nënkryetar i këtij komisioni hetimor.

HETIMET PROCEDURIALE QË DO TË NDIQEN NGA KOMISIONI DERI NË PËRFUNDIM TË HETIMIT

  • Hapat proceduriale që do të ndiqen deri në përfundim të hetimit janë:
  • Seancë dëgjimore me Presidentin e Republikës, në zbatim të nenit 112, pika 3 të Rregullores së Kuvendit.
  • Administrimi dhe shqyrtimi i informacioneve, të dhënave, raporteve të marra nga institucionet lidhur me objektin e hetimit.
  • Administrimi i raportit të Komisionit për Çështjet Ligjore, Administratën Publike dhe të Drejtat e Njeriut “Për shqyrtimin e kërkesës së një grupi deputetësh për nisjen e
  • procedurës së shkarkimit nga detyra të Presidentit të Republikës, z. Ilir Meta”, datë 26.06.2019.
  • Administrimi dhe shqyrtimi i Opinionit të Komisionit të Venecias.
  • Diskutim në lidhje me gjetjet e Komisionit Hetimor sipas objektit të hetimit.
  • Përgatitja dhe miratimi i raportit përfundimtar.
  • Paraqitja në Kuvend i raportit përfundimtar.


(E.K/Faxweb.al)

Fjalët Kyce

Palët politike u ulën në tavolinë për Reformën Zgjedhore, mendoni se është arritur një marrëveshje mes liderëve kryesorë dhe për çështje të tjera?

Për t'ju bashkuar grupit të Faxweb.al në Facebook, klikoni Join Group

Artikuj të Ngjashëm

Leave a Reply

Your email address will not be published. Required fields are marked *