Shkarkoni aplikacionin e Fax Web

 


AktualitetFlashPolitikëTe FunditTe Gjitha

“Kërkesa për dorëheqje të Bashës, do të ishte gafë politike nga PD”, Artan Fuga: Përgjegjësitë janë kolektive, dorëheqjen sot duhet t’a japë Kryesia

Akademiku Artan Fuga ka komentuar në lidhje me mbledhjen e mbajtur ditën e sotme nga Kryesia e Partisë Demokratike, ku u kërkua dorëheqja e Bashës dhe vendosja e një date për të zgjedhur kryetarin e ri të demokratëve.

Fuga e konsideron këtë kërkesë si një gafë politike nga ana e PD, duke shtuar se përgjegjësia për humbjen e zgjedhjeve ishte kolektive dhe nëse duhet të jepej dorëheqje do të duhet të jepet dorëheqja e të gjithë Kryesisë së partisë Demokratike.

“Kërkesa për dorëheqje të parevokueshme të z. Basha do të ishte një gafë politike e PD

Do të ishte një gafë e madhe që Keshilli Kombëtar i PD të kërkonte sonte dorëheqjen e parevokueshme të z. Lulzim Basha.

E para, sepse përjashtimi nga kandidimi nuk i shëben fare demokratizimit të partisë demokratike, sepse është një akt përjashtimi. E dyta sepse nëse ka përgjegjësira në atë parti, dhe unë vazhdoj të mendoj se ka, pavarësisht zgjedhjeve antidemokratike të 25 prillit, ato janë kolektive. Po deshët i numurojmë.

E treta sepse përderisa në 13 qershor bëhen zgjedhjet për kryetarin, të gjithë kandidatët mund dhe duhet të konkurojnë lirshëm para partisë. Por vota të numurohet si duhet, jo si në 25 prill. Komisioni duhet të ketë antarë nga të gjithë kandidatët.

Demokratizimi nuk është përçarje. Askush nuk mund të thotë se meqë kishim përballë shtetin nuk ka të tjerë që mund ta bëjnë më mirë punën. Por besimin e jep vota e partisë, madje edhe elektorati, jo me akte përjashtimi si biroja. Ne duhet të shkëputemi nga ajo kulturë staliniste ngado që të vijë. Zoti Lulzim Basha ka shansin ta demokratizojë partinë, ta shohi realitetin në sy, sikurse kandidatët të dalin me platforma politike t’i shohë e gjithë shoqëria se çfarë propozojnë më mirë!

Dorëheqjen sot kolektivisht duhet ta japi kryesia! Këshilli e pranon ose jo!”- shkruan Fuga në reagimin e tij.

Për t'ju bashkuar grupit të Faxweb.al në Facebook, klikoni Join Group
loading...

Artikuj të Ngjashëm

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.