Kërcënohet nga anëtarët e bandës së Shullazit, merret në mbrojtje nga Policia gjyqtarja (Emri)

Gjyqtarja Saida Dollani, e cila është edhe kryetare e Gjykatës së Apelit për Krimet e Rënda mësohet se  është marrë në mbrojtje dhe në ruajtje nga Policia e Shtetit së bashku me anëtarë të familjes së saj.

Dyshohet se gjyqtarja Dollani është kërcënuar nga anëtarë të bandës së Emiliano Shullazit, gjyqi për të cilin që prej muajit janar nuk po zhvillohet, edhe pse në muajin nëntor Gjykata e Shkallës se Parë i shpalli fajtorë dhe i dënoi me 55 vite burgim në total.

Pak ditë më parë gjatë seancës në Gjykatën e Apelit për Krime të Rënda, ka qenë Blerim Shullazi, i cili ka kërkuar ndryshim të trupës gjykuese, ndërsa nuk munguan debatet mes tij dhe  gjyqtares Dollani. Shullazi ka kërkuar gjithashtu të mos gjykohet nga gjyqtarja pasi e kishte gjykuar edhe një herë tjetër.

(F.GJ/FAXWEB.AL)