Shkarkoni aplikacionin e Fax Web

 


AktualitetFlashKryesorePolitikëTe FunditTe Gjitha

“Jo tek Hahn, po nuk besoj as tek dreqi”, Shehi për negociatat: Nuk na kanë pranuar kur kemi bërë hapa para

Ish-deputeti Dashamir Shehi duke komentuar deklaratat e komisionerit për negociatat e zgjerimit dhe fqinjësisë, Johannes Hahn, tha se nuk ka shanse që Shqipëria të përfitojë hapjen e negociatave.

Shehi tha se dyshonte deklaratat e komisionerit pasi sipas tij Europa nuk na ka pranuar kur kemi bërë hapa përpara jo më kur bëhen  hapa pas.

“Do ndodhë apo nuk do të ndodhë këtë do ta shikoj. Unë uroj që të ndodhi edhe në qoftë se ia dedikojnë kësaj mazhorance. Nuk ka bërë asgjë në këto 6 vjet. Kam dyshimet e mia për këtë punë. Nuk më rakordojnë disa orare, disa skadenca. Evropa ka zgjedhje dhe nuk dihet nëse do të jetë të njëjtët komisionerë. Pasi e mbylla urimin, edhe sikur të thonë se e ka bërë Edi Rama. Ne nuk na kanë futur kur nuk kemi bërë dy hapa përpara jo kur bëjmë hapa prapa. Me entuziazmin e Cipras në Shkup, mundet që disa letra të këqija të mbyllen në Ballkan dhe ne nuk mund të përfitojmë. Kam dyshimet e mia. Disa sonte mund të thonë ç’është ky i marrë që dyshon tek Hani. Jo tek Hani, dyshoj edhe tek dreqi!”, tha ai në ora news.

Kujtojmë se gjatë ditës së sotme Johhanes Hahn tha se Komisioni Evropian është i vendosur të paraqesë një rekomandim pozitiv për hapjen e negociatave të anëtarësimit me Maqedoninë e Veriut dhe Shqipërinë në raportin që pritet të publikohet në 29 maj të këtij viti.

Han argumentoi se mendonte që tashmë është vërtetë koha për ta bërë diçka të tillë.

“Ne në Komisionin Evropian do të prezantojmë raportin tonë vjetor lidhur me vlerësimin e reformave të vendeve të Ballkanit dhe Turqisë në fund të Majit. Ne do të bëjmë një rekomandimin për hapjen e negociatave të anëtarësimit me Maqedoninë e Veriut, por dhe Shqipërinë. Kjo do bëhet zyrtarisht, veçanërisht në vijim të hapave që ka bërë Maqedonia e Veriut. Mendoj se është tashmë vërtetë koha për këtë. Një vit më parë patëm një qëndrim pozitiv të 25 deri në 26 shtete anëtare për këtë. Çështja e emrit u zgjidh dhe tani mendoj, se duhet të hedhim hapin e ardhshëm”, tha ai.

(F.GJ/FAXWEB.AL)

Fjalët Kyce
Për t'ju bashkuar grupit të Faxweb.al në Facebook, klikoni Join Group
loading...

Artikuj të Ngjashëm

Leave a Reply

Your email address will not be published. Required fields are marked *