Shkarkoni aplikacionin e Fax Web

 


AktualitetFlashKryesorePolitikëTe FunditTe Gjitha

“Iu keni dhënë makina të blinduara çdo halabaku”, Murrizi ‘shpartallon’ AntiKÇK-në: Po ju vriten njerëz përditë, ne presim peshq të mëdhenj, ju merreni me…

Teksa është duke u diskutuar në Kuvend për aktin normativ Anti KÇK, deputeti i opozitës Myslim Murrizi është treguar tejet kritik me qeverinë, duke thënë se ky aksion nuk është gjë tjetër veçse shoë i radhës.

“A mund ta di unë ishin me letra këto automjetet e blinduara që keni sekuestruar jua, a kanë hyrë nga dogana, a i jepni ju si ministër i brendshëm lejet për mjete të blinduara? Keni pajisur me mjete të blinduara çdo lloj halabaku, pasi i keni përdorur në zgjedhje sa herë që iu është dashur”, iu drejtua Murrizi ministrit Lleshaj, ndërsa shtoi më tej se në Shqipëri krimi vret çdo ditë.

 “Vazhdoni të bëni propagandë, sikur jeni ju të mirët dhe ata të tjerët janë të këqijtë dhe duan të mbrojnë kriminelët. Kjo është propagandë e juaja, kur ju premtuar shqiptarëve parajsën. Premtuat parajsën, por nuk e shohim sot asgjëkundi. Nuk e di sesi ju shkrep se tani na qenka ngritur krimi në këmbë. Ju bëni gjasme namin, por ju iu vranë 2 në Durrës dje, ju vriten njerëz në Tiranë, në Durrës, në Vlorë etj. Po ju vriten përditë”, tha Murrizi.

Deputeti foli më tej dhe për faktin se akti normativ bie ndesh dhe me Reformën në Drejtësi, ku SPAK në vend që të merret realisht me peshqit e mëdhenj, merret me cironka.

“Dje një gazetë afër jush ka nxjerrë foto të presidentit, që iu e bëtë kryetar të shtetit dhe e keni shpallur sot armik të popullit si Mehmet Shehu. Kjo bie ndesh me reformën në drejtësi dhe thatë se me reformën në drejtësi populli shqiptar bie rehat. Si mundet që prokurori i Përgjithshëm merr urdhëra nga ministri? Ne presim peshqit e mëdhenj, e ju merrini me cironka.

Ku janë peshqit e mëdhenj? Këta të dosjeve. Jo, i keni këtu peshqit e mëdhenj. Cdo gjë buron nga këtu. Këtu jepen tendera, këtu bëhet gjithçka. Ne nuk jemi në xhepin e maxhorancës. Unë nuk mund të votoj që Prokurori i Përgjithshëm etj të jetë nën varësi të ministrit të Brendshëm. Ne duam reformë në drejtësi të pavarur nga politika. Ky ligj bie ndesh edhe me ligjin tuaj për amnisti fiskale. Nuk dihet se nga jeni, do rrini këtej apo andej”, tha ai.

(E.K/Faxweb.al)

Fjalët Kyce
Për t'ju bashkuar grupit të Faxweb.al në Facebook, klikoni Join Group
loading...

Artikuj të Ngjashëm

Leave a Reply

Your email address will not be published. Required fields are marked *