Ish kryeministri, Sali Berisha ka qenë në një takim me simpatizantë të PD-së në Memaliaj, të cilëve u ka bërë thirrje të marrin pjesë në primaret që do të mbahen kur do të zgjidhen kandidatët e PD-së për kreun e bashkive të vendit.
“Ju vetë do të zgjidhni përfaqësuesit tuaj. Siç zgjodhët kryetarin e partisë, do zgjidhni kanidatin për kryebashkiak dhe ata për këshilltarë. Ne duam që ai që ju e votoni të jetë i detyruar ndaj jush. Ndaj sjellim primaret ku do votojnë jo vetëm anëtarët por edhe simpatizantët e PD-së. Për të zgjedhur persona të cilët nuk e dinë as vetë kryetarët e PD-së nëpër qarqe, por e dini vetëm ju që bashkëpunoni me ta.
Ndaj është vendosur që simpatizantët të regjistrohen në nivel seksioni. Unë ftoj çdo qytetar të Memaliajt të shkojë tek seksioni dhe të regjistrohet për votuar për kandidatin që do kandidojë për kreun e bashkisë Memaliaj. E ardhmja jonë përcaktohet nga aftësia jonë për të ndryshuar. Është jetike kjo, sepse ne i zhgënjyem votuesit tanë, ne i zhgënjyem tre herë. Nëse ata nuk e shohin ndryshimin rrënjësor, ata kanë arsye për të mos na besuar sërish. Ne do bëjmë gjithçka që të pushtojmë mendjet dhe zemrat e atyre që akoma nuk kanë besim tek ne. Do bëjmë gjithëçka që aspiratat e tyre t’i shndërrojmë në motivin tonë kryesor. PD doli tërësisht jashtë pushtetit falë disa gabimeve të pafalshme, duke ndihmuar Edi Ramën pasi duhej të regjistrohej në zgjedhjet lokale në datën që caktoi presidenti.
Ne kemi probleme të tjera shumë të mëdha me Edi Ramën. Ai sot ndaj shqiptarëve ofron vetëm arrogancë, për Edi Ramën në Shqipëri nuk ka të mjerë dhe të varfër. Ai firmos vetë “pam-pam-pam” dhe fap fap. Të firmosësh 4 milionë euro me arka druri dhe vazo për të mbush xhepat e tij, e bën vetëm një njeri i verbuar që nuk di çfarë do të thotë skamje dhe varfëri”– u shpreh Berisha.