Kryetari i Partisë së Lirisë, Ilir Meta ka dalë sot në një konferencë për mediat, ndërsa i bëri thirrje SPAK që të nisë hetimet për çështjen ‘McGonigal’.
“SPAK duhet të kishte nisur hetimet për këtë skandal, që provon akuzat konkrete ndaj Ramës, që e ka shndërruar institucionin që çerdhe korrupsioni. Duke realizuar një goditje me thikë në zemër Shqipërisë. Është kjo arsyeja se pse Shqipëria nuk ka bërë përparim ndaj luftës kundër korrupsionit. Ndaj bashkëndaj të njëjtin qëndrim me Prokiç e cila me shumë të drejtë se Shqipëria ka ngelur në vend në luftën kundër korrupsionit. Ftoj shqiptarët, të bashkohen në 11 shkurt në orën 12:00 në protestën kombëtare.”, tha Meta.
“Përgjegjësi kryesor për renditjen e Shqipërisë të parën në kontinent për korrupsionin dhe të dytën në botë për ryshfetin është Edi Rama”, deklaroi sot Kryetari i PL dhe ish-Presidenti Ilir Meta para media duke i bërë thirrje qytetarëve shqiptarëve që të bashkohen më 11 shkurt, në ora 12:00 në një protestë kombëtare kundër regjimit të Ramës.
“Sot është jetik dhe vendimtar largimi i Ramës, – tha Meta, – si armiku më i egër i lirive dhe të drejtave të shqiptarëve, i shtetit ligjor dhe demokracisë në vend.
Edi Rama është i provuar botërisht se me paratë e korrupsionit ka financuar trafikun e influencës dhe ka shfrytëzuar postin e tij për të mbajtur në mënyrë të paligjshme dhe mafioze pushtetin, duke korruptuar deri edhe një ish-zyrtar të lartë të FBI dhe kompromentuar rëndë marrëdhëniet me SHBA, që për të kanë qenë gjithmonë marrëdhënie aferash dhe jo vlerash.
Ndaj i ftojmë të gjithë shqiptarët të bashkohen në 11 shkurt, në ora 12:00 në një protestë kombëtare kundër këtij regjimi që sillet ndaj shqiptarëve në mënyrën më ç’njerëzore duke i vjedhur ata në mënyrë të pamëshirë dhe duke i përzënë nga vendi i tyre përmes një axhende antikombëtare shpopullimi.Opozita do të jetë në këmbë kundër këtij armiku të lirive të tyre deri në largimin përfundimtar të këtij regjimi mafioz dhe të korruptuar në çdo qelizë.”
