Një 47-vjeçar është arrestuar në Qafë Thanë, pasi akuzohet nga autoritetet italiane për veprat penale ‘Grup i strukturuar kriminal’ dhe ‘Prodhim e shitje e varkotikëve’.
Bëhet me dije se 47-vjeçari i identifikuar si Adnand Doda banues në Gostivar, në Maqedoninë e Veriut është arrestuar në pikën kufitare të Qafë Thanës pasi ishte shpallur në kërkim.
Njoftimi i policisë:
Një tjetër person në kërkim ndërkombëtar bie në prangat e Policisë.
Arrestohet me qëllim ekstradimi drejt Italisë, 47-vjeçari i shpallur në kërkim ndërkombëtar për veprat penale “Grup i strukturuar kriminal” dhe “Prodhimi e shitja e narkotikëve”.
Shërbimet e Stacionit të Policisë Kufitare Qafë Thanë, si rezultat i shkëmbimit të vazhdueshëm të informacioneve mes ZQK Interpol Tirana, në hyrje të Republikës së Shqipërisë, bënë të mundur arrestimin me qëllim ekstradimi drejt Italisë të shtetasit A. D., 47 vjeç, banues në Gostivar, Maqedoni e Veriut.
Gjykata e Torinos, Itali, ka caktuar për këtë shtetas, masën e sigurisë “Arrest në burg”, për veprat penale “Grup i strukturuar kriminal” dhe “Prodhimi e shitja e narkotikëve”.
Interpol Tirana, në bashkëpunim me Interpol Romën, vijon procedurat për ekstradimin e këtij shtetasi drejt Italisë.
(R.G/Faxweb.al)