Shkarkoni aplikacionin e Fax Web

 


AktualitetFlashTe FunditTe Gjitha

I ndalohet hyrja në Shqipëri për 5 vite, zbardhet urdhëri i dëbimit nga vendi të mësuesit turk

Kur kanë kaluar pothuajse tre javë nga deportimi nga Shqipëria i mësuesit turk Harun Çelik, i cilësuar si mbështetës i Gylenit, Fax News ka siguruar dhe urdhërin e dëbimit.

Sipas urdhërit të gjykatës, shtetasi turk nuk plotëson kushtet e nevojshme për të qendruar në Shqipëri, duke iu referuar nenit 109/A.

Pavarësishtse në pikën 2 të urdhërit thuhet se shtetasi turk mund të bëjë ankesën e tij për këtë vendim, Çelikut nuk i është lënë asnjë ditë kohë për largimin, pasi është saktësuar dalja e menjëhershme nga vendi, përmes aeroportit të Rinasit.

“Kundër këtij urdhri mund të bëhet ankesë mbështetur në nenin 122 të ligjit nr.108/2013 ‘Për të huajt’”, pasi nuk ka pasur kohë që Çelik të ankimojë vendimin edhe pse sipas avokatit të tij ai nuk ka dashur të largohet pasi në Turqi i rrezikohej jeta.

Për një periudhë 5-vjeçare, pra deri në vitin 2025 Çelik nuk lejohet të hyjë në Republikën e Shqipërisë.

41-vjeçari është deportuar në Turqi pas vuajtjes së dënimit në Shqipëri për veprën penale përdorim i dokumenteve të falsifikuara, pasi disa muaj më parë ai ka tentuar të kalojë nga pika e kalimit kufitar të Rinasit me dokumente kanadeze. Për këtë veprim ai është dënuar me 5 muaj burg, të cilat i kreu në Shqipëri.

Dëbimi i tij nga Shqipëria u akuzua se bie ndesh me konventat ndërkombëtare, që e pengojnë një gjë të tillë sa kohë që personi rrezikon të vuajë një dënim politik, siç ndodh në Turqi ndaj anëtarëve të lëvizjes gyleniste.

Fjalët Kyce

Mendoni se duhet të hapen listat e partive dhe të ndalohen koalicionet parazgjedhore?

Për t'ju bashkuar grupit të Faxweb.al në Facebook, klikoni Join Group
loading...

Artikuj të Ngjashëm

Leave a Reply

Your email address will not be published. Required fields are marked *