Shkarkoni aplikacionin e Fax Web

 


AktualitetFlashKryesorePolitikëTe FunditTe Gjitha

“I kam bërë apel të vazhdonin detyrën”, Meta pyet Ballukun: Si ka mundësi që nuk gjete kohë 10 muaj të takoheshe me kontrollorët

Presidenti i Republikës, Ilir Meta ka folur për protestën e 60 kontrollorëve të Albkontroll ditën e sotme nga qyteti i Vlorës.

Duke iu përgjigjur akuzave se ka nxitur kontrollorët drejt braktisjes së vendit të punës, Presidenti Meta ka deklaruar se ai në të vërtetë i ka kërkuar kontrollorëve që të vazhdojnë detyrën derisa problematikat e tyre të zgjidhen.

Presidenti nga ana tjetër ka nëj pyetje të drejtëpërdrejtë për Ministren Belinda Balluku: Si ka mundësi që për 10 muaj nuk gjeti kohë për t’u takuar me kontrollorët?

“I kam kërkuar me përgjegjshmëri të plotë dhe i kam bërë apel kontrollorëve që të vazhdonin të ushtronin detyrën e tyre pa ndërprerje dhe me përgjegjësi të plotë, për shkak të detyrimit si një vend Europian dhe pjesë e NATO-s. I kam thënë se do vazhdoni punën, pavarësisht cënimit të drejtave tuaja, sepse do përpiqemi të gjejmë një zgjidhje, por është për detyrim ndaj qytetarëve tanë që të bjmë ccdo gjë ta kalojmë këtë situatë të vështirë dhe më pas të drejtat do t’i fitoni. Kam kërkuar nga organet t’i japin zgjidhje problemit, duke iu referuar praktikave më të mira. Qeveria shqiptare duhet të vlerësojë me shumë kujdes.

Ndërkohë që Presidenti i Republikës me 2 prill kërkon marrjen e masave për zgjidhjen e situatës, Ministria nuk angazhohet për ta zgjidhur situatën, por për të shantazhuar më tej kontrollorët duke nisur procedurat për shkarkimin e disa prej tyre. Kanë filluar më pas dhe shkarkimet në masë nga puna. Kam një pyetje për Ministrën: Si shpjegohet që për 10 muaj në radhë nuk gjete kohë për tu takuar me kontrollorët? Si shpjegohet që ato letrat për koncesionin e Rinasit, i bëre për një ditë, që në një kohë normalëe duhen 6 muaj?” përfundoi Meta.

(E.H/Faxweb.al)

Për kë do të votoni në zgjedhjet e 25 prillit?

View Results

Loading ... Loading ...
Për t'ju bashkuar grupit të Faxweb.al në Facebook, klikoni Join Group
loading...

Artikuj të Ngjashëm

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.