Përpara 5 ditësh ish-kryeministri Sali Berisha ishte ai që denoncoi dhunën e një prindi ndaj mësueseve të shkollës ku mësonte djali i tij në Lundër të Tiranës.
Fax News ka realizuar një intervistë me drejtoreshën e kësaj shkolle si disa nga mësueset e dhunuara. Drejtoresha jo vetëm që e konfirmon dhunën e ushtruar ndaj disa mësueseve të kësaj shkolle nga Bardhi Xixi, por edhe shprehet se ai është liruar nga burgu. Kujtojmë se Berisha ka denoncuar se Xixi është një person shumë i afërt me Partinë Socialiste (Lexo këtu)
Ngjarja ndodhi më 25 Prill. Mësuesit konfirmojnë se janë dhunuar nga prindërit e një fëmijë që ka shkuar i dehur në shkollë. “Prindi bërtiste, kishte një ton të lartë të zërit dhe përdorte një fjalor jo-etik. Zotëria shtyu një mësuese që ishte shtatzënë. Njëra prej tyre ishte shtatzënë u futa që të mos e dëmtonte atë. Prindi i nxënësit është Bardhi Xixi i cili është liruar nga burgu. Të pranishëm ishin pesë mësuese, mua më ka shtyrë, njërën prej mësueseve e ka goditur, tjetrën që ishte shtatzënë e kemi larguar. Ngjarja ka ndodhur rreth orës 12:00. Nxënësit e tjerë u terrorizuan pasi ai ishte i dhunshëm”, tha drejtoresha Alma Kaziu.
Kaziu shton më tej: “Përveç dy mësueseve që u shtynë nga zotëria në fjalë, dy të tjerat ndërhynë për ta qetësuar. Ne telefonuam të plotëfuqishmin e zonës dhe më pas vijoi proçedura. Aktualisht di që autori është në gjendje të lirë. Di që çështja i ka kaluar prokurorisë. Unë u bëra 13 vite që punoj këtu dhe ky është një komunitet i mirë”.
Ndërkohë njëra prej mësueseve të dhunuara u shpreh: “Jam shtyrë prej tij dhe kam rënë pa ndjenja në tokë, pas kësaj nuk kam kuptuar asgjë se çfarë po ndodhte. Fëmijët që ishin pranë janë terrorizuar pasi ata u tremben kur panë mësueset e tyre në ato rrethana. Jam ndihmuar vetëm nga koleget dhe nuk kam marrë asnjë ndihmë mjekësore”.
Discussion about this post