Shkarkoni aplikacionin e Fax Web

 


AktualitetFlashTe FunditTe Gjitha

Gjermania i jep premtimin Shqipërisë: 10 milionë euro mbështetje për krizën e koronavirusit

Ambasadori Peter Zingraf i dha sot Ministres së Financave dhe Ekonomisë, Anila Denaj, premtimin në mbështetjen e mëtejshme gjermane në krizën e koronavirusit. Mbështetja financiare në vlerën e 10,56 milionë eurove do të shërbejë për t’iu përgjigjur në mënyrë të fokusuar krizës së Covid-19 dhe për të lehtësuar pasojat sociale dhe ekonomike të pandemisë në Shqipëri.

Konkretisht, ndërmarrjet mikro, të vogla dhe të mesme në fushën e bujqësisë, turizmit dhe në sektorë të tjerë (digjitalizimi) do të mbështeten në kuadër të ndihmës gjermane përmes këshillimit dhe granteve financiare në përballimin e krizës.

Me këtë rast ambasadori Peter Zingraf u shpreh sot: “Unë jam i kënaqur që ne po u qëndrojmë në krahë partnerëve tanë shqiptarë edhe gjatë krizës së koronavirusit. Pasojat ekonomike dhe sociale të pandemisë janë një sfidë e madhe – ne mbështesim Shqipërinë në këtë sfidë.

Por nuk duhet të harrojmë se rreziku i koronavirusit për shëndetin por edhe për ekonominë shqiptare vazhdon të ekzistojë ende. Prandaj duhet të kontribuojmë të gjithë, përmes mbajtjes së maskës, ruajtjes së distancës dhe përmes higjenës në ndalimin e përhapjes së mëtejshme të virusit”.

Për t'ju bashkuar grupit të Faxweb.al në Facebook, klikoni Join Group
loading...

Artikuj të Ngjashëm

Leave a Reply

Your email address will not be published. Required fields are marked *

Mund të Lexoni

Close