Presidenti Ilir Meta me anë të një postimi në rrjetin e tij social, ka uruar infermierët për ditën e tyre ndërkombëtare.
Ai ka falenderuar infermierët për punën e kryer gjatë pandemisë dhe për kujdesin e treguar ndaj të gjithë të infektuarve kundër luftës me armikun e padukshëm.
“Gjatë kësaj krize të rëndë të pandemisë, infermierët kanë bërë një punë heroike, duke luftuar ditë e natë me humanizëm, përkushtim dhe sakrifica të jashtëzakonshme, deri duke rrezikuar jetën e tyre në mbrojtje të shëndetit tonë.
Sot, në Ditën Ndërkombëtare të Infermierit, ne u jemi më mirënjohës se kurrë për kujdesin dhe profesionalizmin e dëshmuar në vijën e parë të frontit kundër armikut të padukshëm.
Përmirësimi i kushteve të punës dhe trajtimi i duhur financiar është vendimtar për të frenuar largimin e tyre nga vendi dhe rritur standardet e shërbimit tonë shëndetësor”- shkruan Meta.