Kreu i Partisë Demokratike ka valëvitur flamurin kuq e zi në mbyllje të fjalimit të tij nga podiumi i protestës.
Ndërkohë qytetarët kanë ndezur qirinj në kujtim të Klodian Rashës dhe Lear Kurtit.
“Miqtë e mi, atyre që shohin shqiptarët të largohen me mijëra nga vend ii tyre dhe mendojnë se ikin vërtet nga varfëria u them njerëzisht ruani fondet tuaja, të taksapaguesve tuaj e mos ja jepni kësaj qeverie, se do keni fatin e shqiptarëve që vetëm vidhen nga Rama.
Sot…(Turma brohoret: O Sali O Hero, gjithë Shqipëria ty të do). Rama i vjedh, i vjedh.. Me 26 nëntor Shqipëria u godit nga një tërmet i rëndë, nën rrënoja dhanë shpirt 51 persona, shpirtrat e tyre kërkojnë drejtësi, para 3 ditësh Rama urdhëroi drejtësinë e tij të shpallë të pafajshëm autorët. Sot dhjetëra mijëra qytetarë jetojnë në çadra ndërsa vetë ai udhëton me chartera. I topiti, i bëri që qytetarët të mbeten në hallin e tyre.Sirenë e fuqishme e shpresës është kjo protestë, bashkohuni me ne që Ramës t’ja shkurtojmë ditët, t’i presim biletën aty ku e ka vendin.
10 vite mashtrime, por sot atyre u ka ardhur fundi sepse Ramës nuk i beson më njeri, ka marrë pozicionin e sharësit për tu thënë qytetarëve se ju këto meritoni, jo! Ju jeni burra dhe gra fisnikë, ai që vjedh bën dhe thotë gjithça, ndaj dhe ne do e çojmë sa më parë aty ku e meriton. Shqipëria sot është vasale e të tjerëve, vendimet për të merren në Beograd, por edhe në Ankara”-u shpreh Berisha pak para mbylljes së protestës.
Discussion about this post