AktualitetFlashKryesorePolitikëTe FunditTe Gjitha

Emërimet në Kushtetuese/ Ambasadori kujton kushtet e Bundestagut: Të gjithë aktorët të marrin përgjegjësitë

Ambasadori gjerman Peter Zingraf ka reaguar sikurse zyra e Bashkimit Europian dhe Ambasada Amerikane, lidhur me votimin e sotëm në Kuvend të dy anëtereve të reja të Gjykatës Kushtetuese.

Zingraf shprehet se të gjithë aktorët duhet të marrin përgjegjësitë e tyre në emërimin e gjykatësve kushtetues dhe të mos humbin fokusin, ndërsa risjellë në vëmendje për klasën politike kushtet e Bundestagut gjerman.

Reagimi i plotë:

Në rrugën drejt një Gjykate Kushtetuese funksionale është e rëndësishme, që të gjithë aktorët të marrin përgjegjësitë e tyre në emërimin e gjykatësve kushtetues dhe të mos humbin fokusin. Ne përshëndesim vendimin e sotëm të parlamentit shqiptar. Bundestag-u Gjerman e ka theksuar në vendimin e tij të datës 26 shtator 2019 se sa e rëndësishme është rivendosja në funksionalitet e Gjykatës Kushtetuese edhe për procesin e përafrimit të Shqipërisë me BE-në. Gjermania do të vazhdojë ta mbështesë Shqipërinë në përforcimin e drejtësisë dhe shtetit ligjor.

(F.GJ/FAXWEB.AL)

Fjalët Kyce

Leave a Reply

Your email address will not be published. Required fields are marked *