Shkarkoni aplikacionin e Fax Web

 


AktualitetFlashKryesorePolitikëTe FunditTe Gjitha

“E keqja është se PD nuk heq dorë nga taktikat primitive”, Nard Ndoka sulmon Bashën dhe merr në mbrojtje Dulen: U persekutua, u soll nga Vlora në Tiranë

Kreu i dorëhequr i Partisë Demokristiane, Nard Ndoka, në një intervistë të dhënë për emisionin ‘Me Xhaxhiun’ shpreh pakënaqësitë në lidhje me Partinë Demokratike, duke thënë se e keqja e kësaj force politike qëndron se nuk heq dorë nga taktikat primitive.

Ndoka theksoi se ai ka dhënë kontributin e tij për koalicionin PD-AN, pavarësisht se i ishte dhënë një vend i papërshtatshëm dhe denigrues në listën për deputet.

Duke iu referuar ‘masakrimit’ që iu bë kreut të PBDNJ-së Vanjgjel Dule, për marrjen e vetëm 600 votave në Tiranë dhe sigurimin e një mandati, Ndoka u shpreh se partia e Dules e jep kontributin në qarqe të tjera të vendit, duke iu referuar Vlorës, Gjirokastrës dhe Korçës.

“E keqja është se Partia Demokratike nuk heq dorë nga taktikat primitive. Unë kam qenë një kandidat i kësaj opozita dhe i kam sjellë kontributin tim me gjithë pozicionin jo komod, të papërshtatshëm dhe denigrues në raport me fuqinë e Partisë Demokristiane, por edhe me marrëveshjen zyrtare që pata me zotin Basha, të cilën ai nuk e zbatoi në mënyrë të njëanshme.

Parti Demokratike u rrit vetë dhe kjo është një gjë pozitive sipas gjykimit tim, por PD nuk mund të sigurojë një fitore pa aleatët e saj.

Edhe kryetarët e partive që u futën në lista fistuese shigjetohen me një politikë primitive dhe dashakeqe, për faktin se këto parti i japin vota koalicionit në gjithë Shqipërinë dhe shigjetohen vetëm për një zonë elektorale.

Për shembull zoti Dule u persekutua nga qarku i Vlorës ku kishte mbështetjen politike dhe u soll në Tiranë, ku u masakrua më pas për rezultatin që mori.

Ama partia e zotit Dule është kontribuese në qarkun e Vlorës, në qarkun e Gjirokastrës dhe në qarkun e Korçës. Po ashtu dhe Partisë Demokristiane, pati një masakër të votave personale”, tha Ndoka.

Për t'ju bashkuar grupit të Faxweb.al në Facebook, klikoni Join Group
loading...

Artikuj të Ngjashëm

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.