Shkarkoni aplikacionin e Fax Web

 


Aktualitet

E dashuruar me bossin e ISIS-it, shqiptarja braktisi familjen në Itali

Detaje të reja janë bërë të ditura lidhur me shqiptaren Valbona Berisha, ndaj të cilës Italia lëshoi dy ditë më parë urdhër-arresti.

Emri i saj nisi të lakohet që në 2014-ën, kur ajo vendosi të braktisë bashkëshortin dhe dy vajzat për të shkuar në Siri. Valbona Berisha mori me vete vetëm djalin e mitur 6-vjeçar, fati për të cilët ende nuk dihet.

Mediat italiane shkruajnë së fundmi se Berisha u largua pasi u dashurua me një boss të ISIS-t, me të cilin u njoh virtualisht. Ajo vendosi të linte jetën e krijuar në Itali dhe të arratisej drejt Sirisë. Në rekrutimin e saj mësohet se kanë ndikuar së tepërmi dy persona, Shefqet Krasniqi dhe Omer Bajrami.

Shefqet Krasniqi, islamist ekstrem, imami i xhamisë në Prishtinë, është tashmë në pranga për rekrutim terroristësh, së bashku me predikuesin maqedonas Omer Bajrami, imam i xhamisë në Shkup në Maqedoni.

Një rrjet i gjerë personash me të cilët ajo mbante kontakt dhe për të cilët kryente kërkime, interesi i madh për Kalifatin, çuan më pas në njohjen me një boss të ISIS-it.

Lidhur me rekrutimin e saj, kushërira e Valbona Berishës tregon për takimin e fundit ku ndër të tjera Valbona tha se do të largohej për shkak se Afrimi (bashkëshorti) e dhunonte : “Ishim për darkë në shtëpinë e mamasë sime, kur Valbona tha se do të ikte në Siri, të ndihmonte në spitalet atje për ata që kishin nevojë.”

Fjalët Kyce
Për t'ju bashkuar grupit të Faxweb.al në Facebook, klikoni Join Group
loading...

Artikuj të Ngjashëm

Leave a Reply

Your email address will not be published. Required fields are marked *